മുത്തലാഖ് നിയമപ്രകാരം രജിസ്റ്റര് ചെയ്ത കേസുകളുടെ വിവരങ്ങള് ആരാഞ്ഞ് സുപ്രീം കോടതി രംഗത്ത്. മുത്തലാഖ് ചൊല്ലിയതിന് എത്ര മുസ്ലീം പുരുഷന്മാർക്കെതിരെ കേസെടുത്തിട്ടുണ്ട് എന്നും തുടര്നടപടികളെന്ത് എന്നുമുള്ള വിവരങ്ങള് നല്കാനാണ് കേന്ദ്രസര്ക്കാരിനോട് സുപ്രീം കോടതി നിര്ദേശിച്ചത്.
അതേസമയം ഹൈക്കോടതികളുടെ പരിഗണനയിലുള്ള കേസുകളുടെ വിവരങ്ങളും നല്കാൻ നിർദ്ദേശിച്ചിട്ടുണ്ട്. മുത്തലാഖ് ചൊല്ലുന്നത് ക്രിമിനല് കുറ്റമാക്കിയത് ചോദ്യംചെയ്ത് കേരളത്തിൽ നിന്നുള്ള മുസ്ലീം സംഘടനകളുള്പ്പെടെ നല്കിയ ഹർജികൾ പരിഗണിക്കവെയാണ് ചീഫ് ജസ്റ്റിസ് സഞ്ജീവ് ഖന്ന അധ്യക്ഷനായ ബെഞ്ചിന്റെ സുപ്രധാന നിര്ദേശം.
