കൊച്ചിയില് വീണ്ടും ഡിജിറ്റല് അറസ്റ്റ് തട്ടിപ്പ്. എളംകുളം സ്വദേശിയായ എണ്പത്തിയഞ്ചുകാരനില് നിന്ന് 18 ലക്ഷത്തോളം രൂപയാണ് തട്ടിയത്. ജെറ്റ് എയര്വെയ്സിന്റെ പേരിലായിരുന്നു തട്ടിപ്പ്. നവംബര് മാസത്തിലാണ് 85 കാരനിൽ നിന്ന് പണം തട്ടിയത്.
ജെറ്റ് എയര്വേയ്സ് മാനേജ്മെന്റുമായി നടത്തിയ തട്ടിപ്പില് അറസ്റ്റ് രേഖപ്പെടുത്തുന്നു എന്ന് പറഞ്ഞായിരുന്നു ഭീഷണി. കഴിഞ്ഞ മാസം 22-ാം തീയതിയാണ് സംഭവം. കേസിൽ നിന്ന് ഒഴിവാക്കുന്നതിനായി ആദ്യം അയ്യായിരം രൂപ അയച്ചുതരാന് പറഞ്ഞു.
പിന്നീട് 27ന് വീണ്ടും വിളിച്ച് ഒരു ലക്ഷം രൂപ ആവശ്യപ്പെട്ടു. 28ന് 16 ലക്ഷം രൂപയും ആവശ്യപ്പെട്ടു. ഇങ്ങനെ 18 ലക്ഷത്തിലധികം രൂപയാണ് തട്ടിയെടുത്തത്.
