വാഷിംഗ്ടൺ: നിയുക്ത പ്രസിഡൻ്റ് ഡൊണാൾഡ് ട്രംപിൻ്റെ ബെഡ്മിൻസ്റ്ററിലെ ഗോൾഫ് കോഴ്സിന് സമീപം സംശയാസ്പദമായി ഡ്രോണുകൾ കണ്ടതിൽ എഫ്ബിഐ അന്വേഷണം.
സെൻട്രൽ ന്യൂജേഴ്സിയിൽ ഉടനീളം അടുത്തിടെ രാത്രികാലങ്ങളിൽ ഡ്രോൺ ഫ്ലൈറ്റുകൾ കാണുന്നതായി പ്രദേശവാസികളും പറയുന്നു. ആരാണ് ഇത് പറത്തുന്നതെന്ന് വ്യക്തമല്ല. എന്നാൽ പൊതു സുരക്ഷയ്ക്ക് നിലവിൽ ഒരു ഭീഷണിയുമില്ലെന്ന് ഫെഡറൽ സ്റ്റേറ്റ് ഉദ്യോഗസ്ഥർ പറയുന്നു.
എന്നാൽ ഡ്രോണുകളുടെ ഏതെങ്കിലും വീഡിയോകളോ ഫോട്ടോകളോ മറ്റ് പ്രസക്തമായ വിവരങ്ങളോ പ്രദേശവാസികളോട് പങ്കിടാൻ എഫ്ബിഐ ആവശ്യപ്പെട്ടു. ഫെഡറൽ ഏവിയേഷൻ ഏജൻസി ഗോൾഫ് ക്ലബ്ബിനും അടുത്തുള്ള പിക്കാറ്റിന്നി ആഴ്സണലിനും മുകളിൽ ഡ്രോണുകൾ നിരോധിച്ചിരുന്നു.
