ഡാളസ്: മക്കിന്നി അപ്പാർട്ട്മെന്റ് സമുച്ചയത്തിൽ നടന്ന വെടിവയ്പിൽ രണ്ട് പേർ മരിച്ചു. സംഭവത്തിൽ രണ്ട് പേർ അറസ്റ്റിലായി. നോർത്ത് മക്ഡൊണാൾഡ് സ്ട്രീറ്റിലെ 3300 ബ്ലോക്കിലെ അപ്പാർട്മെന്റ് സമുച്ചയത്തിലാണ് വെടിവയ്പ് നടന്നത്.
കോംപ്ലക്സിൽ പാർക്ക് ചെയ്തിരുന്ന ഡോഡ്ജ് പിക്കപ്പ് ട്രക്കിലെ യാത്രക്കാരന്റെ സമീപത്തേക്ക് ഒരാൾ എത്തിയതിന് തൊട്ടുപിന്നാലെയാണ് വെടിവയ്പ് നടന്നത്. ഏറ്റുമുട്ടലിൽ രണ്ട് പേർക്ക് പരിക്കേറ്റു. ഇവരുടെ പേരുവിവരങ്ങൾ ഇതുവരെ പുറത്തുവിട്ടിട്ടില്ല.
സംഭവവുമായി ബന്ധപ്പെട്ട് പിക്കപ്പ് ഡ്രൈവറായ 21 വയസുകാരൻ ക്രിസ്റ്റഫർ പെരസ്, ആശുപത്രിയിൽ ഉണ്ടായിരുന്ന 18 വയസുകാരൻ ജോസ് മെജിയ എന്നിവരെ പോലീസ് അറസ്റ്റ് ചെയ്തു.
ഇരുവർക്കുമെതിരേ കൊലപാതകക്കുറ്റം ചുമത്തുകയും കോളിൻ കൗണ്ടി ഡിറ്റൻഷൻ ഫെസിലിറ്റിയിൽ രജിസ്റ്റർ ചെയ്യുകയും ചെയ്തതായി പോലീസ് പറഞ്ഞു.
