കൊച്ചിയിലെ താമസ സ്ഥലത്തുനിന്ന് രാസലഹരി(MDMA) പിടിച്ചെടുത്തതിന് പിന്നാലെ യൂട്യൂബര് തൊപ്പിയെന്ന്(Youtuber Thoppi) അറിയപ്പെടുന്ന നിഹാദ്(Nihad) ഒളിവില്. സംഭവത്തിൽ പൊലീസ് കേസെടുത്തതിന് പിന്നാലെയാണ് നിഹാദ് ഒളിവില് പോയത്. നിഹാദിനൊപ്പം സുഹൃത്തുക്കളായ മൂന്ന് യുവതികളും ഒളിവിലാണ്. കഴിഞ്ഞ ദിവസമാണ് നിഹാദിന്റെ തമ്മനത്തെ താമസ സ്ഥലത്തു നിന്ന് രാസലഹരിയായ എംഡിഎംഎ പിടികൂടിയത്.
ഇതിനിടെ ഇയാള് മുന്കൂര് ജാമ്യം തേടി എറണാകുളം പ്രിന്സിപ്പല് സെഷന്സ് കോടതിയെ സമീപിച്ചു. സുഹൃത്തുക്കളായ മൂന്ന് യുവതികളും മുന്കൂര് ജാമ്യം തേടിയിട്ടുണ്ട്. ജാമ്യഹര്ജി ഇന്ന് കോടതി പരിഗണിക്കും.
എംഡിഎംഎ കണ്ടെടുത്തതിന് പിന്നാലെ നിഹാദിനെതിരെ പാലാരിവട്ടം പൊലീസ് കേസ് രജിസ്റ്റര് ചെയ്തിരുന്നു. നിഹാദിന്റെ മൂന്ന് സുഹൃത്തുക്കളെയും പ്രതിയാക്കിയാണ് പൊലീസ് കേസെടുത്തത്. ഇതിന് തൊട്ടുപിന്നാലെയാണ് നിഹാദും സുഹൃത്തുക്കളും ഒളിവില് പോയത്.
