കോഴിക്കോട്: ട്രെയിനില് യാത്രക്കാരുടെമേല് തീകൊളുത്തിയ സംഭവത്തില് അന്വേഷണം ആവശ്യപ്പെട്ട് കെപിസിസി പ്രസിഡന്റ് കെ.സുധാകരന് കേന്ദ്ര റെയില്വേ മന്ത്രി അശ്വിനി വൈഷ്ണവിന് കത്തയച്ചു.
ട്രെയിന് യാത്രക്കാരുടെ സുരക്ഷ ഉറപ്പുവരുത്തേണ്ടത് സര്ക്കാരിന്റെ ഉത്തരവാദിത്വമാണെന്ന് കത്തില് പറയുന്നു. സംഭവത്തില് വിശദമായ അന്വേഷണം വേണം. ഇത്തരം ആക്രമണങ്ങള് ആവര്ത്തിക്കാതിരിക്കാനുള്ള നടപടികള് സ്വീകരിക്കണമെന്നും സുധാകരന് ആവശ്യപ്പെട്ടു.
മരിച്ചവരുടെ കുടുംബങ്ങള്ക്കും പരിക്കേറ്റവര്ക്കും അര്ഹമായ ധനസഹായം നല്കണമെന്നും കത്തില് ആവശ്യപ്പെട്ടിട്ടുണ്ട്.
