ചോറിനൊപ്പം കഴിക്കാൻ സ്വാദിഷ്ടമായ ചിക്കൻ ചതച്ചതുണ്ടാക്കാം.
ചേരുവകൾ
1. ചിക്കൻ, എല്ലില്ലാതെ – അരക്കിലോ
2. മഞ്ഞൾപ്പൊടി – അര ചെറിയ സ്പൂൺ
3. കുരുമുളകുപൊടി – അര ചെറിയ സ്പൂൺ
4. ഉപ്പ് – പാകത്തിന്
5. വെള്ളം – പാകത്തിന്
6. എണ്ണ – രണ്ടു വലിയ സ്പൂൺ
7. സവാള – ഒന്ന്, പൊടിയായി അരിഞ്ഞത്
8. ഇഞ്ചി – ഒരിഞ്ചു കഷണം, പൊടിയായി അരിഞ്ഞത്
9. വെളുത്തുള്ളി – അഞ്ച് അല്ലി, പൊടിയായി അരിഞ്ഞത്
10. ഉപ്പ് – പാകത്തിന്
11. വറ്റൽമുളക് ചതച്ചത് – രണ്ടു വലിയ സ്പൂൺ
12. കറിവേപ്പില – ഒരു തണ്ട്
13. മുളകുപൊടി – ഒരു ചെറിയ സ്പൂൺ
14. പെരുംജീരകം പൊടി – അര ചെറിയ സ്പൂൺ
15. കുരുമുളകുപൊടി – അര ചെറിയ സ്പൂൺ
പാകം ചെയ്യുന്ന വിധം
ചിക്കൻ വലിയ കഷണങ്ങളാക്കി മുറിച്ച് രണ്ടാമത്തെ ചേരുവ ചേർത്തു വേവിക്കുക. ഇതു കൈ കൊണ്ടു പിച്ചിയെടുത്തു മാറ്റി വയ്ക്കണം. പാനിൽ എണ്ണ ചൂടാക്കി സവാള വഴറ്റുക. കണ്ണാടിപ്പരുവമാകുമ്പോൾ അഞ്ചാമത്തെ ചേരുവ ചേർത്തു വഴറ്റണം. വറ്റൽമുളകും കറിവേപ്പിലയും ചേർത്തു വഴറ്റി ഏഴാമത്തെ ചേരുവയും ചേർത്തു പച്ചമണം മാറുമ്പോൾ ചിക്കൻ ചേർക്കുക. നന്നായി ഇളക്കി യോജിപ്പിച്ച് തടി തവി കൊണ്ടു മെല്ലേ ഉടച്ചു കൊടുക്കണം. അല്പം വെളിച്ചെണ്ണയും കറിവേപ്പിലയും ചേർത്തിളക്കി വാങ്ങാം.
