മലയാളി താരം സഞ്ജു സാംസണ് രാജസ്ഥാന് റോയല്സിൽ തുടരും. 14 കോടി രൂപയാകും വാര്ഷിക പ്രതിഫലം. സഞ്ജുവിനെ ഒന്നാമത്തെ കളിക്കാരനായി നിലനിര്ത്താനാണ് രാജസ്ഥാന് റോയൽസ് തീരുമാനിച്ചത്. സഞ്ജു നായകനായി തുടരും. സഞ്ജുവിന് പുറമേ ജോസ് ബട്ലര്, ജോഫ്രാ ആര്ച്ചര്, ലിയാം ലിവിംഗ്സ്റ്റണ്, യശസ്വി ജെയ്സ്വാള് എന്നിവരില് മൂന്ന് പേരെ കൂടി രാജസ്ഥാന് നിലനിര്ത്തും.
മുംബൈ ഇന്ത്യന്സ് ക്യാപ്റ്റന് രോഹിത് ശര്മ, പേസര് ജസ്പ്രീത് ബുമ്ര, കീറണ് പൊള്ളാര്ഡ് എന്നിവരെ നിലനിര്ത്തും. സുനില് നരെയ്ന്, ആന്ദ്രേ റസല് എന്നിവരെ കൊല്ക്കത്ത നിലനിര്ത്തുമെന്നാണ് സൂചന.
വിരാട് കോലി, ഗ്ലെന് മാക്സ്വെല്, യൂസ്വേന്ദ്ര ചാഹല് എന്നിവരെ ആര്സിബിയും നിലനിര്ത്തും. സണ്റൈസേഴ്സ് ഹൈദരാബാദ് റാഷിദ് ഖാനെ നിലനിര്ത്തും. കൂടാതെ കെയ്ന് വില്യംസണ് അല്ലെങ്കില് ജോണി ബെയര്സ്റ്റോ എന്നിവരില് ഒരാള്കൂടി ടീമില് തുടരും. പഞ്ചാബ് രവി ബിഷ്ണോയ്, മായങ്ക് അഗര്വാള് എന്നിവരെയാണ് നിലനിര്ത്തുക. ഈ മാസം 30നാണ് താരങ്ങളുടെ പട്ടിക ബിസിസിഐക്ക് നല്കേണ്ടത്.