ജമ്മു-കശ്മീര്‍ ഒരു റിയല്‍ എസ്റ്റേറ്റ് ഭൂമിയല്ല, അതൊരു ജനതയാണെന്ന് മുന്‍ആഭ്യന്തര മന്ത്രി പി. ചിദംബരം. ഭരണഘടന വഴി സ്ഥാപിതമായതൊന്നും ഭരണഘടനയുടെ വ്യവസ്ഥകള്‍ തെറ്റായി വ്യാഖ്യാനിക്കുകയോ ഉപയോഗിക്കുകയോ ചെയ്യുന്ന പാര്‍ലമെന്റ് നിയമങ്ങള്‍ വഴി ഇല്ലാതാക്കാന്‍ കഴിയില്ലെന്നും അദ്ദേഹം പറഞ്ഞു.
ജമ്മു-കശ്മീര്‍ പാര്‍ട്ടികളെ വ്യാഴാഴ്ച പ്രധാനമന്ത്രി നരേന്ദ്രമോദി ചര്‍ച്ചക്ക് വിളിച്ച പശ്ചാത്തലത്തിലാണ് ചിദംബരത്തിന്റെ പ്രതികരണം. കേന്ദ്രത്തിെന്‍റ ഭരണഘടനവിരുദ്ധമായ ചെയ്തിക്കെതിരെ സുപ്രീംകോടതിയില്‍ കേസ് നിലനില്‍ക്കുകയാണെന്ന് ചിദംബരം ചൂണ്ടിക്കാട്ടി. പാര്‍ലമെന്റിന്റെ വര്‍ഷകാല സമ്മേളനത്തില്‍ ജമ്മു കശ്മീരിന്റെ പ്രത്യേക പദവി റദ്ദാക്കിയ നടപടി പിന്‍വലിക്കാനുളള നടപടികള്‍ സ്വീകരിക്കണമെന്നും അദ്ദേഹം ആവശ്യപ്പെട്ടിട്ടുണ്ട്.
