അമൃത്സരി ഫിഷ്
ചേരുവകള്
ദശകനമുള്ള മീന്……………..600 ഗ്രാം
കടലമാവ്…………..ഒരുകപ്പ്
മുളകുപൊടി………….ഒരുടേ.സ്പൂണ്
വിനാഗിരി, തൈര്………….അരക്കപ്പ് വീതം
എണ്ണ……………….വറുക്കാന്
ഉപ്പ്…………………പാകത്തിന്
ഇഞ്ചി അരച്ചത്……………..2 ടേ.സ്പൂണ്
വെളുത്തുള്ളി അരച്ചത്………………..2 ടേ.സ്പൂണ്
നാരങ്ങാനീര്………………ഒരു ടേ.സ്പൂണ്
മുട്ട…………ഒന്ന്
ചാട്ട് മസാല……………..ഒരു ടീ.സ്പൂണ്
നാരങ്ങാവളയങ്ങള്……………കുറച്ച്
തയ്യാറാക്കുന്നവിധം
മീന് കഴുകി വൃത്തിയാക്കി ഒന്നര ഇഞ്ച് ക്യൂബുകളാക്കി വയ്ക്കുക. ഇത് വിനാഗിരിയില് 20 മിനിട്ട് ഇട്ട് വയ്ക്കുക. ഇനി ഇത് കോരി വയ്ക്കുക. കടലമാവ്, തൈര്, മുട്ട, ഉപ്പ്,നാരങ്ങാനീര്, മുളകുപൊടി, ഇഞ്ചി - വെളുത്തുള്ളി പേസ്റ്റ് എന്നിവ ചേര്ക്കുക. ഈ ബാറ്ററില് മീന് കഷണങ്ങള് ഇട്ട് നന്നായിളക്കി 15 മിനിട്ട് വയ്ക്കുക. എണ്ണ ഒരു പാനില് ഒഴിച്ച് ചൂടാക്കുക. ഇതില് മീന് കഷണങ്ങള് കുറെശ്ശെയായി നിരത്തി ഇരുവശവും പൊന്നിറമാക്കി കോരുക. ഇവ വിളമ്ബാനുള്ള പ്ലേറ്റിലേക്ക് മാറ്റി മീതെ ചാട്ട് മസാല വിതറി നാരങ്ങാ വളയങ്ങള് വച്ച് അലങ്കരിച്ച് വിളമ്ബുക.