ന്യൂഡല്ഹി: രാജ്യത്തെ കോവിഡ് ബാധിതര് 75 ലക്ഷം കടന്നു. പ്രതിദിന കോവിഡ് രോഗികളുടെ എണ്ണത്തിലും രോഗമുക്തി നിരക്കിലും മഹാരാഷ്ട്രയാണ് ഒന്നാമത്. പ്രതിദിന രോഗികളുടെ എണ്ണത്തില് കേരളമാണ് രണ്ടാമത്.
മഹാരാഷ്ട്രയില് പുതിയ 250 മരണവും 10,259 പുതിയ കോവിഡ് കേസുകളും റിപ്പോര്ട്ട് ചെയ്തു. 4,295 രോഗികള് തമിഴ്നാട്ടില് കഴിഞ്ഞ 24 മണിക്കൂറില് ഉണ്ടായി. ഇതോടെ സംസ്ഥാനത്ത് മൊത്തം കോവിഡ് സ്ഥിരീകരിച്ചവരുടെ എണ്ണം 6,83,486 ലേക്ക് എത്തി.
രാജ്യത്ത് ഇതുവരെ 114,064 പേരാണ് കോവിഡ് ബാധിച്ച് മരിച്ചത്. 6,594,399 പേരാണ് ഇതുവരെ രോഗമുക്തി നേടിയത്. 784,264 പേരാണ് ഇപ്പോള് രോഗബാധിതരായി ചികിത്സയിലുള്ളത്.