ന്യൂഡല്ഹി : കോവിഡ് കാലത്ത് സര്വകലാശാലകളിലെ അവസാന വര്ഷ പരീക്ഷകള് സെപ്റ്റംബര് 30നു മുന്പ് നടത്താനുള്ള തീരുമാനം റദ്ദാക്കണമെന്ന് ആവശ്യപ്പെട്ടുകൊണ്ടുള്ള വിദ്യാര്ഥികളുടെ ഹര്ജി പരിഗണിക്കുന്നത് സുപ്രീം കോടതി ഓഗസ്റ്റ് പത്തിലേക്കു മാറ്റി .
ഇടക്കാല ഉത്തരവ് പുറപ്പെടുവിക്കണമെന്ന വിദ്യാര്ഥികളുടെ ആവശ്യം കോടതി അംഗീകരിച്ചില്ല . കേന്ദ്ര- സംസ്ഥാന ദുരന്ത നിവാരണ സമിതികളുടെ നിലപാട് ഇക്കാര്യത്തില് തേടേണ്ടതുണ്ടെന്നു ചൂണ്ടിക്കാട്ടിയ ജസ്റ്റീസ് അശോക് ഭൂഷണ് അധ്യക്ഷനായ ബെഞ്ച്, ആഭ്യന്തര മന്ത്രാലയത്തിന്റെ നിലപാട് അറിയിക്കാന് സോളിസിറ്റര് ജനറല് തുഷാര് മേത്തയ്ക്ക് നിര്ദേശം നല്കി . ഓഗസ്റ്റ് മൂന്നോടെ മറുപടി അറിയിക്കുമെന്ന് സോളിസിറ്റര് ജനറല് അറിയിച്ചു.
അതേസമയം, സെപ്റ്റംബറില് തന്നെ അവസാന വര്ഷ പരീക്ഷകള് നടത്തണമെന്ന നിലപാടില് ഉറച്ചുനിന്ന യുജിസി , പരീക്ഷയ്ക്കു തയാറെടുക്കേണ്ടതില്ല എന്ന ധാരണ വിദ്യാര്ഥികള്ക്കു വേണ്ടെന്നു ചൂണ്ടിക്കാട്ടി .