അമേരിക്കയിലെ നൂറ് കണക്കിന് കമ്ബനികളിലും ലോകത്തിെന്റ പല ഭാഗങ്ങളിലുമായി നടന്നുവരുന്ന കോവിഡ് 19 വാക്സിന് പരീക്ഷണങ്ങളുടെ വിവരങ്ങള് ചൈനീസ് ഹാക്കര്മാര് ചോര്ത്താന് ശ്രമിക്കുന്നുവെന്ന ആരോപണവുമായി അമേരിക്ക. ഇതുമായി ബന്ധപ്പെട്ട് രണ്ട് ചൈനീസ് ഹാക്കര്മാര്ക്കെതിരെ കേസെടുത്തതായി അമേരിക്കന് ജസ്റ്റിസ് ഡിപ്പാര്ട്ട്മെന്റ് അറിയിച്ചു.
ചൈനീസ് സര്ക്കാരിന്റെ സഹായത്തോടെയാണ് ഹാക്കര്മാരുടെ പ്രവര്ത്തനം.പ്രതിരോധ വിവരങ്ങളും സോഫ്റ്റ്വെയര് സോഴ്സ് കോഡുകളും ഇത്തരത്തില് ചോര്ത്തിയതായും ആരോപണത്തിലുണ്ട്.അതേസമയം യു.എസ്, ഹോേങ്കാങ്, ചൈന എന്നിവിടങ്ങളിലെ മനുഷ്യാവകാശ പ്രവര്ത്തകരെയും ഹാക്കര്മാര് ലക്ഷ്യമിട്ടതായി അസിസ്റ്റന്റ് അറ്റോണി ജനറല് ജോണ് ഡെമേസ് ആരോപിച്ചു. സൈബര് ക്രിമിനലുകളുടെ സ്വര്ഗമായ റഷ്യ, ഇറാന്, നോര്ത്ത് കൊറിയ തുടങ്ങിയ രാജ്യങ്ങളുടെ കൂടെ ചേര്ന്നിരിക്കുകയാണ് ചൈനയെന്നും അദ്ദേഹം പറഞ്ഞു.