മുംബൈ: ന്യൂസിലൻഡ് എ ടീമിനെതിരായ ഏകദിന പരമ്പരയിൽ ഇന്ത്യ എ ടീമിനെ മലയാളി താരം സഞ്ജു സാംസൺ നയിക്കും. ചെന്നൈയിലാണ് മൂന്ന് മത്സരങ്ങളുടെ പരമ്പര നടക്കുന്നത്. ഈ മാസം 22, 25, 27 തീയതികളിലാണ് മത്സരങ്ങൾ.
പൃഥ്വി ഷാ, ഋതുരാജ് ഗെയ്ക്വാദ്, രാഹുൽ ത്രിപാഠി, അഭിമന്യു ഈശ്വരൻ, ഷാർദുൽ താക്കൂർ, ഉമ്രാൻ മാലിക് എന്നിവരും ടീമിലുണ്ട്. ട്വന്റി20 ലോകകപ്പ് ടീമിൽനിന്നും സഞ്ജുവിനെ ഒഴിവാക്കിയിരുന്നു. ഇതിനെതിരെ മലയാളികൾ ഉൾപ്പെടെ ആരാധകരുടെ വലിയ രോഷമാണ് ഉയർന്നുവന്നത്.
