മുതിർന്ന വ്യക്തികൾ സ്വന്തം ഇഷ്ടപ്രകാരം ലൈംഗികത്തൊഴിലിൽ ഏർപ്പെടുന്നത് നിയമവിരുദ്ധമല്ലെന്നും അങ്ങനെയുള്ളവർക്കെതിരെ നടപടിയെടുക്കാൻ പോലീസിന് അധികാരമില്ലെന്നും വ്യക്തമാക്കി സുപ്രീം കോടതി. 70 വർഷം പഴക്കമുള്ള അനാശാസ്യ പ്രവർത്തന നിരോധന നിയമം (ITPA) വിശകലനം ചെയ്തുകൊണ്ടാണ് കോടതിയുടെ ഈ സുപ്രധാന നിരീക്ഷണം. വേശ്യാലയം നടത്തുന്നത് നിയമവിരുദ്ധമാണെങ്കിലും, റെയ്ഡുകൾക്കിടയിൽ കണ്ടെത്തുന്ന, സ്വന്തം ഇഷ്ടപ്രകാരം ഈ രംഗത്ത് പ്രവർത്തിക്കുന്ന ആളുകളെ ഇരകളാക്കുകയോ കസ്റ്റഡിയിലെടുക്കുകയോ ചെയ്യരുതെന്നും കോടതി നിർദ്ദേശിച്ചു.
ജസ്റ്റിസ് ജെ.ബി. പർദിവാല, ജസ്റ്റിസ് ആർ. മഹാദേവൻ എന്നിവരടങ്ങിയ ബെഞ്ചാണ് ലൈംഗികത്തൊഴിലാളികളുടെ പുനരധിവാസവുമായി ബന്ധപ്പെട്ട് അധികൃതർക്ക് നിർദ്ദേശം നൽകിയത്. സ്വന്തം ഇഷ്ടപ്രകാരം ലൈംഗികത്തൊഴിലിൽ ഏർപ്പെടുന്ന മുതിർന്നവരെ പീഡിപ്പിക്കുന്നതിൽ നിന്ന് പോലീസ് വിട്ടുനിൽക്കണമെന്ന് കോടതി ആവശ്യപ്പെട്ടു.
