ലണ്ടൻ: ഇതിഹാസ ജർമൻ ഡ്രൈവർ മൈക്കിൾ ഷുമാക്കർക്ക് 2003ലെ ഫോർമുല വൺ ലോക കിരീടം നേടിക്കൊടുത്ത ഫെറാറി കാർ ലേലത്തിൽ വിൽക്കുന്നു. എഫ്-2003-ജിഎ, ചേസിസ് 229 എന്ന കാറാണ് ലേലം ചെയ്യുന്നത്. കാറിന് 9.5 മില്യൺ സ്വിസ് ഫ്രങ്ക് (78.10 കോടി രൂപ) ആണ് പ്രതീക്ഷിക്കുന്നത്.
2003 സീസണിലെ അഞ്ചാമത്തെ മത്സരമായ സ്പാനിഷ് ഗ്രാൻഡ്പ്രിയിലാണ് ഷുമാക്കർ ചേസിസ് 229 ആദ്യമായി ഓടിക്കുന്നത്. സ്പെയിനിലെ വിജയത്തിന് ശേഷം ഓസ്ട്രിയൻ, കനേഡിയൻ, ഇറ്റാലിയൻ, യുഎസ് എന്നീ ഗ്രാൻഡ്പ്രികളും വിജയങ്ങളും ഷുമാക്കർ നേടി.
ജനീവയിലെ സോത്ത്ബി ഓക്ഷൻ ഹൗസാണ് ലേലം സംഘടിപ്പിക്കുന്നത്. കാർ റേസിംഗ് ചരിത്രത്തിലെ വളരെ പ്രധാനപ്പെട്ട ഒരു കാറാണിതെന്ന് സോത്ത്ബി ആഡംബർ കാർ വിൽപന വിഭാഗത്തിലെ ബ്രാഞ്ച് മേധാവി വിൻസെന്റ് ലുസുയ് പറഞ്ഞു.
