മുല്ലൻപുർ: സയിദ് മുഷ്താഖ് അലി ട്വന്റി-20 ടൂർണമെന്റിൽ കേരളത്തിന് രണ്ടാം തോൽവി. മഹാരാഷ്ട്രയോട് 40 റണ്സിന്റെ തോൽവിയാണ് കേരളം ഏറ്റുവാങ്ങിയത്. ആദ്യം ബാറ്റ് ചെയ്ത മഹാരാഷ്ട്ര 20 ഓവറിൽ നാല് വിക്കറ്റിന് 167 റണ്സ് നേടി. കേരളത്തിന്റെ മറുപടി 127/8 എന്ന നിലയിൽ അവസാനിച്ചു.
68 പന്തിൽ എട്ട് ഫോറും ഏഴ് സിക്സും പറത്തി 114 റണ്സ് അടിച്ചുകൂട്ടിയ ഋതുരാജ് ഗെയ് വാദിന്റെ ഇന്നിംഗ്സാണ് മഹാരാഷ്ട്രയുടെ വിജയത്തിന് കരുത്തായത്. കേരളത്തിനായി സിജോമോൻ ജോസഫ് മൂന്ന് വിക്കറ്റ് വീഴ്ത്തി.
മറുപടി ബാറ്റിംഗിൽ 58 റണ്സ് നേടിയ രോഹൻ എസ്. കുന്നുമൽ മാത്രമാണ് കേരളത്തിനായി പൊരുതിയത്. നായകൻ സഞ്ജു സാംസണ് (3), സച്ചിൻ ബേബി (4), മുഹമ്മദ് അസ്ഹറുദ്ദീൻ (5) എന്നിവർക്കൊന്നും തിളങ്ങാനായില്ല. മഹാരാഷ്ട്രയ്ക്കായി സത്യജിത് ബചാവ് മൂന്ന് വിക്കറ്റ് വീഴ്ത്തി.
