പ്ലാസ്റ്റിക് ഉപയോഗത്തില് നിയന്ത്രണം കര്ശനമാക്കി കേന്ദ്രം.75 മൈക്രോണില് കുറഞ്ഞ പ്ലാസ്റ്റിക് ക്യാരി ബാഗുകള്ക്ക് നിരോധനം ഏര്പ്പെടുത്തി. സെപ്റ്റംബര് 30 മുതലാണ് നിരോധനം.നിലവില് 50 മൈക്രോണ് ആണ് അനുവദനീയ പരിധി. 2022 ഡിസംബര് 31 മുതല് ഇത് 120 മൈക്രോണായി ഉയര്ത്തും.
പ്ലേറ്റ്, കപ്പ്, ഗ്ലാസ്, ട്രേ തുടങ്ങിയവക്കും നിരോധനം ഏര്പ്പെടുത്തും. ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്പ്പന്നങ്ങളുടെ നിര്മാണം, ഇറക്കുമതി, സംഭരണം, വിതരണം, വില്പ്പന, ഉപയോഗം എന്നിവ 2022 ജൂലൈ ഒന്ന് മുതല് നിരോധിച്ചുകൊണ്ട് ഭേദഗതി ചെയ്ത നിയമങ്ങള് കേന്ദ്രം പുറത്തിറക്കി.
