ഡോ. ജോര്ജ് എം. കാക്കനാട്
ഹ്യൂസ്റ്റണ്: വടക്കുകിഴക്കന് നഗരമായ ജലാലാബാദില് താലിബാനെതിരേ നഗരത്തില് വന് പ്രതിഷേധം. ഇവര്ക്കെതിരേ താലിബാന് പട്ടാളക്കാര് വെടിയുതിര്ക്കുകയും പ്രതിഷേധക്കാരെയും മാധ്യമപ്രവര്ത്തകരെയും അടിക്കുകയും ചെയ്തു. പ്രാദേശിക നേതാക്കളുമായി ചര്ച്ചനടത്തി നാല് ദിവസം മുമ്പ് വലിയ രക്തച്ചൊരിച്ചില് ഇല്ലാതെ കാബൂളിന്റെ നിയന്ത്രണം താലിബാന് ഏറ്റെടുത്തിരുന്നു. ഇപ്പോള് പ്രവര്ത്തനരഹിതമായ പോലീസ് സേനയില് നിന്ന് പിടിച്ചെടുത്ത പിക്കപ്പ് ട്രക്കുകളില് നഗരത്തില് പട്രോളിംഗ് നടത്തുന്നു. വന് അപകടസാധ്യതകള് ഉണ്ടായിരുന്നിട്ടും, നൂറുകണക്കിന് പ്രതിഷേധക്കാര് അഫ്ഗാന് റിപ്പബ്ലിക്കിന്റെ വലിയ പതാകകള് വഹിച്ചുപ്രധാന ഷോപ്പിംഗ് സ്ട്രീറ്റിലൂടെ മാര്ച്ച് നടത്തി. ജനക്കൂട്ടത്തെ തകര്ക്കാന് താലിബാന് പോരാളികള് ആകാശത്തേക്ക് വെടിവെച്ചെങ്കിലും പ്രതിഷേധക്കാര് പിരിഞ്ഞുപോയില്ലെന്ന് പ്രാദേശിക വാര്ത്താ മാധ്യമങ്ങള് പ്രക്ഷേപണം ചെയ്ത വീഡിയോ കാണിച്ചു. അത് പരാജയപ്പെട്ടപ്പോള് പോരാളികള് അക്രമത്തിലേക്ക് നീങ്ങി. അല് ജസീറയുടെ കണക്കനുസരിച്ച് കുറഞ്ഞത് രണ്ട് പേര് കൊല്ലപ്പെടുകയും ഒരു ഡസനോളം പേര്ക്ക് പരിക്കേല്ക്കുകയും ചെയ്തു.
പുതിയ താലിബാന് സര്ക്കാരിനെ സംബന്ധിച്ചിടത്തോളം, ഈ പ്രതിഷേധം വിമതസ്വരത്തിന്റെ വലിയ എതിര്പ്പ് ഉയര്ത്തുന്നു. എയര്പോര്ട്ടിന് സമീപത്തേക്ക് പോകാന് ശ്രമിക്കുന്നതിനിടയില് സംഘര്ഷമുണ്ടായതും ഉത്തരവാദിത്തപ്പെട്ട കാര്യസ്ഥരായി സ്വയം അവതരിപ്പിക്കാനുള്ള അവരുടെ ശ്രമങ്ങളെ ദുര്ബലപ്പെടുത്തുകയും ചെയ്തു. രാജ്യത്തിന്റെ തെക്കുകിഴക്കന് ഭാഗമായ ഖോസ്റ്റില്, നൂറുകണക്കിന് ആളുകളാണ് തെരുവിലിറങ്ങിയത്. താലിബാന് തങ്ങളുടെ സര്ക്കാരിന്റെ രൂപത്തെക്കുറിച്ചുള്ള വിശദാംശങ്ങള് നല്കാന് തയ്യാറായപ്പോള് പൊതുജനരോഷം പൊട്ടിപ്പുറപ്പെട്ടതു വലിയ തിരിച്ചടിയാകുമെന്നു ലോക മാധ്യമങ്ങള് റിപ്പോര്ട്ട് ചെയ്യുന്നു. താലിബാന് മന്ത്രിമാരുടെ പേരുകള് നല്കുകയും പ്രധാന സ്ഥാനങ്ങള് ഏറ്റെടുക്കുകയും ചെയ്തു.
അടുത്തിടെ ഖത്തറില് നടന്ന സമാധാന ചര്ച്ചകള്ക്കുള്ള അഫ്ഗാന് പ്രതിനിധി സംഘത്തിന്റെ ചെയര്മാന് മുന് പ്രസിഡന്റ് ഹമീദ് കര്സായി, അബ്ദുള്ള അബ്ദുള്ള എന്നിവരുമായി ബുധനാഴ്ച കാബൂളില് ഒരു ഉന്നത താലിബാന് നേതാവിന്റെ ഇളയ സഹോദരന് കൂടിക്കാഴ്ച നടത്തിയിരുന്നു. അഫ്ഗാനിസ്ഥാനിലെ പാര്ലമെന്റിന്റെ ഉപരിസഭയുടെ സ്പീക്കറും അദ്ദേഹത്തോടൊപ്പമുണ്ടായിരുന്നു. അന്താരാഷ്ട്ര അംഗീകാരം നേടാനുള്ള ഗ്രൂപ്പിന്റെ ദൃഢനിശ്ചയത്തിന്റെ കൂടുതല് തെളിവായിരുന്നു ഈ കൂടിക്കാഴ്ച. ചൊവ്വാഴ്ച നടന്ന ഒരു വാര്ത്താ സമ്മേളനത്തെ തുടര്ന്ന്, താലിബാന് മുന്കാല ശത്രുക്കള്ക്കെതിരെ പ്രതികാരം ചെയ്യില്ലെന്ന് പ്രതിജ്ഞയെടുത്തുകൊണ്ട് പൊതുമാപ്പ് വാഗ്ദാനം ചെയ്തു. എന്നാല്, ആ ഉറപ്പുകളില് പലരും സംശയം പ്രകടിപ്പിച്ചെങ്കിലും, കാബൂളില് ദൈനംദിന ജീവിതത്തിന്റെ താളങ്ങള് തിരിച്ചുവരാന് തുടങ്ങിയെന്നാണ് സൂചനകള്. പക്ഷേ, തെരുവുകളില് സ്ത്രീകള് കുറവായിരുന്നു. ചിലര് പരമ്പരാഗത ബുര്ഖയില് മുഖം മറച്ചില്ല.
3.8 കോടി വരുന്ന ഒരു രാജ്യത്തിന്റെ പ്രായോഗിക ആവശ്യങ്ങള് എന്താകുമോ എന്ന് കാണേണ്ടതുണ്ട്. സ്ത്രീകളുടെ പുരോഗതി എന്നത് ഇനി മാറിയേക്കാം. സിവില് സമൂഹത്തില് നിര്ണായക റോളുകളില് സ്ത്രീകളും സ്കൂളിലെ ദശലക്ഷക്കണക്കിന് പെണ്കുട്ടികളും ഉണ്ടാവില്ല എന്നത് ഏറ്റവും പ്രകടമായ ഉദാഹരണമാണ്. പക്ഷേ, വര്ഷങ്ങളായി രാജ്യത്ത് പാശ്ചാത്യ നിക്ഷേപം, നാശത്തിലായിരുന്ന ഒരു രാഷ്ട്രത്തെ പുനര്നിര്മ്മിക്കാന് സഹായിച്ചു. എന്നാല് ഇനിയത് എന്താവുമെന്നു കണ്ടറിയണം. പല അഫ്ഗാനികളും താലിബാന് ഭരണം അംഗീകരിക്കില്ല എന്നതിന്റെ ആദ്യകാല സൂചനകള് പ്രതിഷേധങ്ങള് നല്കി. ജനങ്ങളുടെ അടിസ്ഥാന ആവശ്യങ്ങള് നിറവേറ്റുന്നതില് അഫ്ഗാന് സര്ക്കാര് പരാജയപ്പെട്ടതാമ് താലിബാനെ പിന്തുണയ്ക്കാന് സഹായിച്ചത്. അത് അവരെ വേഗത്തില് രാജ്യത്തുടനീളം തൂത്തുവാരാന് അനുവദിച്ചു. മിക്കപ്പോഴും സൈനിക ബലത്താലല്ല, മറിച്ച് നിരാശരായ പ്രാദേശിക നേതാക്കളുമായി ചര്ച്ച നടത്തിയാണ് അവര് അധികാരം പിടിച്ചത്.
പതിനായിരങ്ങള് ഇപ്പോഴും അഫ്ഗാനില് നിന്നും രക്ഷപ്പെടാന് ശ്രമിക്കുന്നു. തങ്ങളുടെ കുടുംബത്തെ പോറ്റാന് പണമില്ലെന്ന ആശങ്കയില് ആളുകള് ബാങ്കുകളില് നേരത്തേതന്നെ അണിനിരന്നിരുന്നു. കാബൂളിലുടനീളമുള്ള ചെക്ക്പോസ്റ്റുകളില് സൈനികരെ വിന്യസിക്കുന്നത് താലിബാന് ശക്തി പ്രകടിപ്പിക്കുന്നുണ്ടെങ്കിലും അത് എങ്ങനെ, എപ്പോള് ഉപയോഗിക്കണമെന്ന് തീരുമാനിക്കുമെന്നും വ്യക്തമാക്കി. ആയിരക്കണക്കിന് ആളുകള് അഫ്ഗാനിസ്ഥാനില് നിന്ന് പലായനം ചെയ്യാന് ശ്രമിച്ചതിനാല് ബുധനാഴ്ച കാബൂളിലെ അന്താരാഷ്ട്ര വിമാനത്താവളത്തിന് പുറത്ത് അരാജകത്വം പൊട്ടിപ്പുറപ്പെട്ടു. കനത്ത വെടിവയ്പ്പിന്റെ ശബ്ദം തെരുവുകളിലൂടെ പ്രതിധ്വനിച്ചു. താലിബാന് നിയന്ത്രിക്കുന്ന വിമാനത്താവളത്തിന് പുറത്തുള്ള തെരുവുകളിലാണ് ഇത് സംഭവിച്ചത്. വിമാനത്താവളത്തിലേക്കുള്ള ഒരു കവാടത്തില് തിക്കിലും തിരക്കിലും പെട്ട് 17 പേര്ക്ക് പരിക്കേറ്റതായി വിമാനത്താവളത്തിലെ ഒരു നാറ്റോ സുരക്ഷാ ഉദ്യോഗസ്ഥന് റോയിട്ടേഴ്സിനോട് പറഞ്ഞു. ആളുകള് ഇപ്പോഴും വിമാനത്താവളത്തിന്റെ കവാടത്തിന് സമീപം തമ്പടിച്ചിട്ടുണ്ട്. വിമാനത്താവളത്തിനകത്ത് യുഎസ് സൈന്യം നിയന്ത്രണം ഏര്പ്പെടുത്തിയിട്ടുണ്ടെങ്കിലും സൈനിക വിമാനങ്ങള് പുനരാരംഭിച്ചുവെങ്കിലും ബുധനാഴ്ച പുറത്ത് സ്ഥിതിഗതികള് അസ്ഥിരമായിരുന്നു.
