കൊല്ലം: ചടയമംഗലത്ത് കാറിൽ കടത്തിയ 52 കിലോ കഞ്ചാവുമായി രണ്ട് യുവാക്കളെ പോലീസ് അറസ്റ്റ് ചെയ്തു. ചിതറ സ്വദേശി ഫെബിമോന്, നെയ്യാറ്റിന്കര സ്വദേശി ഷൈന് എന്നിവരാണ് പിടിയിലായത്.
കഴിഞ്ഞ രാത്രി 12 ഓടെ നിലമേലിൽ വച്ചാണ് പോലീസ് കാർ തടഞ്ഞ് പരിശോധിച്ചത്. കൊല്ലം റൂറല് പോലീസ് ഡാന്സാഫ് ടീമും ചടയമംഗലം പോലീസും ചേര്ന്നായിരുന്നു പരിശോധന.
ഒഡീഷയിൽ നിന്നും കൊണ്ടുവന്ന കഞ്ചാവാണ് പിടിച്ചെടുത്തതെന്നാണ് പോലീസ് നിഗമനം. കഞ്ചാവ് കടത്തിയ കാറിൽ നിന്നും ഒഡീഷയിലെയും പശ്ചിമ ബംഗാളിലെയും വാഹനങ്ങളുടെ വ്യാജ നമ്പർ പ്ലേറ്റും കണ്ടെടുത്തു.
അറസ്റ്റിലായ ഫെബിമോൻ മുൻപ് 80 കിലോ കഞ്ചാവുമായി ചാത്തന്നൂർ പോലീസിന്റെ പിടിയിലായിട്ടുണ്ട്.
