സോൾ: പല കൊലപാതക കേസിലെ പ്രതികളേയും നമ്മൾ കണ്ടിട്ടുണ്ട്. എന്തിന് കൊലപാതകം നടത്തിയെന്നതിന് പ്രതികൾക്ക് പല ന്യായീകരണവുമുണ്ടാകും. എന്നാൽ യാതൊരു പ്രകോപനവുമില്ലാതെയാണ് ഇവിടെ കൊലപാതകം നടന്നിരിക്കുന്നത്. ദക്ഷിണ കൊറിയയിലാണ് സംഭവം. ജങ് യൂ ജങ് എന്ന യുവതി മധ്യവയസ്കയെ കുത്തി കൊലപ്പെടുത്തുതയായിരുന്നു. പിന്നീട് ശരീരം കഷ്ണങ്ങളാക്കി. എന്തിനാണ് കൊലപാതകം ചെയ്തതെന്ന പോലീസിന്റെ ചോദ്യത്തിനുള്ള ഉത്തരമാണ് ഏവരേയും അമ്പരിപ്പിക്കുന്നത്.
ടെലിവിഷന് ക്രൈം സീരിസുകളും ക്രൈം ത്രില്ലര് സിനിമകളും നോവലുകളും മറ്റും കണ്ടും വായിച്ചും ഹരം പിടിച്ചാണ് കൊലപാതകം നടത്തിയതെന്നാണ് യുവതിയുടെ മൊഴി. സ്വന്തം കൈകണ്ട് കൊലപാതകം ചെയ്യാനും അത് മറവുചെയ്യാനുമുള്ള കൗതുകമാണ് കൊലപാതകത്തിലേക്ക് നയിച്ചതെന്നും പെൺകുട്ടി പറയുന്നു. 23 വയസുകാരിയാണ് ദക്ഷിണ കൊറിയൻ സ്വദേശിനിയായ ജങ് യൂ ജങ്.
മാസങ്ങളോലമാണ് കൊപാതകം ചെയ്യാൻ പെൺകുട്ടി ഗവേഷണം നടത്തിയത്. ശരീരം മറവ് ചെയ്യുന്നതെങ്ങനെയെന്ന് മൂന്ന് മാസത്തോളമായി യുവതി ഗൂഗിളില് തിരഞ്ഞു. വായനശാലകളില് നിന്ന് ഇക്കാലയളവില് യുവതി നിരവധി ക്രൈം ത്രില്ലറുകള് എടുത്ത് വായിച്ചു. ക്രൈം സീരിസുകള് ആവര്ത്തിച്ച് കണ്ടു. ഇതിൽ നിന്ന് പ്രചോദനം ഉൾക്കൊണ്ടുകൊണ്ടാണ് കൊലപാതകം നടന്നത്.
അധ്യാപകിയാണെന്ന് സ്വയം പരിചയപ്പെടുത്തിയാണ് ജങ് ഇരയായ മധ്യവയസ്കയുമായി ബന്ധം സ്ഥാപിച്ചത്. കുട്ടിയുടെ ട്യൂഷൻ കാര്യങ്ങള് സംസാരിക്കാനെന്ന പേരില് ഇവരുടെ അടുത്തെത്തുകയും കത്തി ഉപയോഗിച്ച് നിരവധി തവണ കുത്തുകയുമായിരുന്നു.ശേഷം ശരീരം കഷ്ണങ്ങളാക്കി ഉപേക്ഷിച്ചു. ഇരയുടെ രക്തക്കറയുള്ള വസ്ത്രങ്ങളാണ് ജങ് യൂ ജങ് പിടിക്കപ്പെടാൻ കാരണമായത്.
