തിരുവനന്തപുരം: വിനോദ സഞ്ചാര മേഖലയുടെ പുനരുജ്ജീവനത്തിനായി ബജറ്റില് പ്രഖ്യാപിച്ച സമഗ്ര പാക്കേജ് ഈ മേഖലയ്ക്ക് പുത്തന് ഉണര്വ് നല്കുമെന്ന് ടൂറിസം വകുപ്പ് മന്ത്രി പി മുഹമ്മദ് റിയാസ്. ടൂറിസം വകുപ്പിന്്റെ മാര്ക്കറ്റിംഗിന് നിലവിലുള്ള 100 കോടി രൂപയ്ക്ക് പുറമെ 50 കോടി രൂപ ബജറ്റില് അധികമായി അനുവദിച്ചത് സന്തോഷകരമാണെന്നും അദ്ദേഹം പ്രസ്താവനയില് പറഞ്ഞു. മന്ത്രിയുടെ പ്രസ്താവനയുടെ പൂര്ണ്ണ രൂപം ഇങ്ങനെ..
കോവിഡ് പ്രതിസന്ധിയുടെ പശ്ചാത്തലത്തില് വിനോദസഞ്ചാര മേഖലയുടെ തിരിച്ചു വരവ് സാധ്യമാക്കുന്ന പുത്തന് പദ്ധതികള്ക്ക് ഇടം നല്കി ബജറ്റ് അവതരിപ്പിച്ച ധനമന്ത്രി ശ്രീ കെ എന് ബാലഗോപാലിനെ അഭിനന്ദിക്കുന്നു. വിനോദ സഞ്ചാര മേഖലയുടെ പുനരുജ്ജീവനത്തിനായി ബജറ്റില് പ്രഖ്യാപിച്ച സമഗ്ര പാക്കേജ് ഈ മേഖലയ്ക്ക് പുത്തന് ഉണര്വ് നല്കും. പാക്കേജിന് സര്ക്കാര് വിഹിതമായി 30 കോടി രൂപ വകയിരുത്തിയിട്ടുണ്ട്.
ടൂറിസം വകുപ്പിന്്റെ മാര്ക്കറ്റിംഗിന് നിലവിലുള്ള 100 കോടി രൂപയ്ക്ക് പുറമെ 50 കോടി രൂപ ബജറ്റില് അധികമായി അനുവദിച്ചത് സന്തോഷകരമാണ്. ടൂറിസം മേഖലയില് കൂടുതല് പ്രവര്ത്തനമൂലധനം ലഭ്യമാക്കുന്നതിനായി കെ എഫ് സി 400 കോടി രൂപ വായ്പ നല്കും. ജലാശയങ്ങളിലും കരയിലും സഞ്ചരിക്കുന്ന ആംഫിബിയന് വാഹന സൗകര്യത്തിനായി 5 കോടി രൂപയാണ് അനുവദിച്ചത്. ആദ്യഘട്ടമായി കൊല്ലം, കൊച്ചി, തലശേരി മേഖലകളിലാണ് ഈ വാഹന സൗകര്യം ഒരുക്കുക.
കേരളത്തിന്്റെ സാഹിത്യവും ജൈവ വൈവിധ്യവും സംരക്ഷിച്ച് ആകര്ഷകമാക്കുന്നതിനുള്ള രണ്ട് സര്ക്യൂട്ട് ടൂറിസം പദ്ധതികള് കൂടി ബജറ്റില് പ്രഖ്യാപിക്കുകയുണ്ടായി. മലബാര് ലിറ്റററി സര്ക്യൂട്ട്, ബയോഡൈവേഴ്സിറ്റി സര്ക്യൂട്ട് എന്നിവ ഈ മേഖലയിലെ പുതുമയാര്ന്ന പദ്ധതികളായി മാറും. രണ്ട് പദ്ധതികള്ക്കും 50 കോടി രൂപ വകയിരുത്തിയിട്ടുണ്ട്.
