ന്യൂയോർക്ക്: അമേരിക്കൻ വെറ്ററൻ താരം വീനസ് വില്യംസ് ഓസ്ട്രേലിയൻ ഓപ്പണിൽനിന്നും പിന്മാറി. സന്നാഹ മത്സരത്തിൽ പരിക്കേറ്റതിനെ തുടർന്നാണ് വീനസിന്‍റെ പിന്മാറ്റം. ജനുവരി 16 ന് മെൽബണിൽ ആരംഭിക്കുന്ന ടൂർണമെന്‍റിലേക്ക് 42-കാരിയായ താരത്തിന് വൈൽഡ് കാർഡ് ലഭിച്ചിരുന്നു. ഓക്‌ലൻഡിൽ നടന്ന എഎസ്ബി ക്ലാസിക് മത്സരത്തിനിടെയാണ് വീനസിന് പരിക്കേറ്റത്.
ലോക ഒന്നാം നമ്പർ ഇഗ സ്വിയ്തെകും ഓസ്ട്രേലിയൻ ഓപ്പണിൽ പങ്കെടുക്കുമോയെന്നതിൽ സംശയം നിലനിൽക്കുകയാണ്. അടുത്ത ആഴ്ച നടക്കുന്ന അഡ്‌ലെയ്ഡ് ടൂർണമെന്‍റിൽനിന്നും ഇഗ പന്മാറിയിരുന്നു. പോളണ്ടിന്‍റെ 21കാരിയായ താരത്തിന് വലതു തോളിന് പ്രശ്നമുണ്ട്.
