ഹൂസ്റ്റണ്‍: മലങ്കര ഓർത്തഡോക്സ് സുറിയാനി സഭയുടെ സൗത്ത് വെസ്റ്റ് അമേരിക്കൻ ഭദ്രാസന മെത്രാപ്പോലീത്തായായി നിയമിതനായ അഭിവന്ദ്യ ഡോ. തോമസ് മാർ ഇവാനിയോസ് മെത്രാപ്പോലീത്തക്ക് ഹൂസ്റ്റണ്‍ സെന്‍റ് മേരീസ് മലങ്കര ഓർത്തോഡോക്സ് ഇടവക സ്വീകരണം ഒരുക്കുന്നു. 2023 ജനുവരി 15 ഞായറാഴ്ച ഉച്ചക്ക് 12ന് സെന്‍റ് മേരീസ് മലങ്കര ഓർത്തോഡോക്സ് ദേവാലയത്തിന്‍റെ പ്രധാന കവാടത്തിൽ വികാരി ഫാ. ജോണ്‍സണ്‍ പുഞ്ചക്കോണവും ഇടവക മാനേജിംഗ് കമ്മറ്റി അംഗങ്ങളും ചേർന്ന് കത്തിച്ച മെഴുകുതിരി നൽകി അഭിവന്ദ്യ ഡോ. തോമസ് മാർ ഇവാനിയോസ് മെത്രാപ്പോലീത്തയേയും വിശിഷ്ട അതിഥികളെയും ദേവാലയത്തിലേക്ക് ആനയിക്കും.
ദേവാലയത്തിന്‍റെ നടുത്തളത്തിൽ ക്രമീകരിച്ചിരിക്കുന്ന നിലവിളക്കിൽ തിരി തെളിയിക്കുന്നതോടുകൂടി സ്വീകരണസമ്മേളനത്തിന് തുടക്കമാകും. തുടർന്ന് നടക്കുന്ന അനുമോദനസമ്മേളനത്തിൽ അമേരിക്കൻ മലയാളി സമൂഹത്തിന് അഭിമാനമായി തെരഞ്ഞെടുക്കപ്പെട്ട ഫോർട്ട് ബെൻഡ് കൗണ്ടി ജഡ്ജി കെ.പി. ജോർജ്ജിനും 240ാം ഡിസ്ട്രിക് കോർട്ട് ജഡ്ജായി അധികാരമേറ്റ സുരേന്ദ്രൻ കെ. പട്ടേലിനും , ഫോർട്ട് ബെൻഡ് കൗണ്ടി കോടതി ജഡ്ജായി വീണ്ടും തെരഞ്ഞെടുക്കപ്പെട്ട മലയാളി ജൂലി എ. മാത്യുവിനും സ്വീകരണം നൽകും.
ടെക്സസ് ഹൗസ് ഓഫ് റെപ്രസെന്‍ററ്റീവ് റോണ്‍ റെയ്നോൾഡ്, സ്റ്റാഫോർഡ് പ്പ്രോ-ടെം മേയർ കെൻ മാത്യു എന്നിവർ വിശിഷ്ട അതിഥികളായിരിക്കും. ഹൂസ്റ്റണ്‍ സിറ്റിയിലെ വിവിധ ഓർത്തോഡോസ് ദേവാലയങ്ങളിലെ വൈദീകരും ഇടവക ജനങ്ങളും സ്വീകരണസമ്മേളനത്തിൽ പങ്കെടുക്കും.
14 ശനിയാഴ്ച്ച വൈകിട്ട് 5ന്് സന്ധ്യ നമസ്കാരത്തിനുശേഷം നടക്കുന്ന ഫാമിലി നൈറ്റ് അഭിവന്ദ്യ ഡോ. തോമസ് മാർ ഇവാനിയോസ് മെത്രാപ്പൊലീത്ത ഉദ്ഘാടനം നിർവഹിക്കും ഞായറാഴ്ച രാവിലെ 8.30ന് പ്രഭാത നമസ്കാരത്തോടെ ആരംഭിക്കുന്ന വിശുദ്ധ കുർബാനക്ക് അഭിവന്ദ്യ ഡോ. തോമസ് മാർ ഇവാനിയോസ് മെത്രാപ്പൊലീത്ത മുഖ്യ കാർമ്മികത്വം വഹിക്കും.
ഏവരുടെയും പ്രാർഥനാപൂർവമായ സാന്നിധ്യം സാദരം ക്ഷണിക്കുന്നതായി വികാരി ഫാ.ജോണ്‍സണ്‍ പുഞ്ചക്കോണം, ട്രസ്റ്റീ തോമസ് വർഗീസ്, സെക്രട്ടറി ബ്ലസണ്‍ വർഗീസ് എന്നിവർ അറിയിച്ചു
കൂടുതൽ വിവരങ്ങൾക്ക്
ഫാ.ജോണ്‍സണ്‍ പുഞ്ചക്കോണം (വികാരി) 77-310-9050
തോമസ് വറുഗ്ഗീസ് (ട്രസ്റ്റീ) 832-875-4780
ബ്ലസണ്‍ വർഗ്ഗീസ് (സെക്രട്ടറി) 281-300-6395
