റഷ്യൻ അധിനിവേശത്തിന്റെ തുടക്കം മുതൽ മാനുഷിക സഹായവും പിന്തുണയും നൽകുന്നതിൽ മുൻപന്തിയിൽ നിന്ന ഡൊമിനിക്കൻ സന്യാസിനിയെ ആദരിച്ച് ഉക്രേനിയൻ പ്രസിഡന്റ്. ഡൊമിനിക്കൻ സന്യാസിനീ സമൂഹാംഗമായ സി. മരിയ ലൂസിയ കാരം പാഡില്ല, ഉക്രേനിയൻ പ്രസിഡന്റ് വോളോഡിമർ സെലെൻസ്‌കിയിൽ നിന്ന് ഓർഡർ ഓഫ് പ്രിൻസസ് ഓൾഗ, എന്ന III ക്ലാസ് ബഹുമതി ഏറ്റുവാങ്ങി.
നവംബർ 18-ന് മാഡ്രിഡിലേക്കുള്ള ഔദ്യോഗിക സന്ദർശന വേളയിൽ, സെലെൻസ്‌കി, സാന്താ ക്ലാര കോൺവെന്റ് ഫൗണ്ടേഷന്റെ ഡയറക്ടർ സി. ലൂസിയയുമായും, പ്രായപൂർത്തിയാകാത്തവരുടെ സംരക്ഷണത്തിനായുള്ള പൊന്തിഫിക്കൽ കമ്മീഷൻ അംഗവും സിസ്റ്റർ ലൂസിയയുടെ മാനുഷിക പ്രവർത്തനങ്ങളെ പിന്തുണയ്ക്കുന്ന സി. ജുവാൻ കാർലോസ് ക്രൂസുമായും കൂടിക്കാഴ്ച നടത്തി.
അവർക്ക് സിവിൽ ഡെക്കറേഷൻ സമ്മാനിച്ചുകൊണ്ട് സെലെൻസ്‌കി, അർജന്റീനിയൻ സന്യാസിനിയോട് നന്ദി പറയുകയും ആവശ്യമുള്ളവരെ സഹായിക്കുന്നതിൽ അവർ നൽകിയ സേവനത്തിന് നന്ദി അറിയിക്കുകയും ചെയ്തു.
