പത്തനംതിട്ട: യൂത്ത് കോൺഗ്രസ് പ്രവർത്തകന് നേരെ ക്രൂരമർദ്ദനം. റാന്നി വെച്ചൂച്ചിറ പരുവയിൽ വ്യാഴാഴ്ച രാത്രിയാണ് സംഭവം.
യൂത്ത് കോൺഗ്രസ് യൂണിറ്റ് പ്രസിഡന്റ് ജെറിനും സുഹൃത്തും സഞ്ചരിച്ച ഇരുചക്രവാഹനം തടഞ്ഞുനിർത്തിയായിരുന്നു അക്രമം. അടികൊണ്ട് റോഡിൽ വീണ ജെറിനെ വലിച്ചിഴച്ച് അക്രമികൾ സമീപത്തെ കടത്തിണ്ണയിൽ കൊണ്ടിടുകയായിരുന്നു.
അതേസമയം ഡിവൈഎഫ്ഐ പ്രവർത്തകരാണ് മർദ്ദിച്ചതെന്ന് യൂത്ത് കോൺഗ്രസ് ആരോപിച്ചു. കൊട്ടിക്കലാശം മുതൽ തുടങ്ങിയ തർക്കമാണ് മർദനത്തിന് പിന്നിലെന്ന് പോലീസ് പറഞ്ഞു.
