മുൻപ് ട്വിറ്റർ എന്നറിയപ്പെട്ടിരുന്ന പ്രധാന സോഷ്യൽ മീഡിയ പ്ലാറ്റ്ഫോമായ ‘എക്സിൻ്റെ’ സേവനങ്ങൾ ഭാഗീകമായി നിരവധി ഉപയോക്താക്കൾക്ക് തടസ്സപ്പെട്ടു. ചൊവ്വാഴ്ച വൈകീട്ടോടെയാണ് ഈ സാങ്കേതിക തകരാർ കാരണം പലർക്കും പ്ലാറ്റ്ഫോം ഉപയോഗിക്കാൻ കഴിയാതെ വന്നത്. ഇതുമായി ബന്ധപ്പെട്ട വിവരങ്ങൾ പങ്കുവെക്കുന്ന ഡൗൺഡിറ്റെക്റ്റർ എന്ന വെബ്സൈറ്റിൽ തടസ്സം നേരിട്ടതായി കാണിച്ചു.
തങ്ങൾക്ക് എക്സിൻ്റെ സേവനങ്ങൾ പൂർണമായും ലഭിക്കുന്നില്ലെന്ന് അറിയിക്കുന്നതിനും ഇത് സംബന്ധിച്ച സംശയങ്ങൾ പങ്കുവെക്കുന്നതിനുമായി, നിരവധി ഉപയോക്താക്കൾ എക്സിലും മറ്റു പ്ലാറ്റ്ഫോമുകളിലും ചോദ്യങ്ങളുമായി രംഗത്തെത്തി. മറ്റ് പലരും സോഷ്യൽ മീഡിയ പ്ലാറ്റ്ഫോമുകൾ വഴി തങ്ങളുടെ ബുദ്ധിമുട്ടുകൾ അറിയിക്കുകയും ചെയ്തു. തകരാറിൻ്റെ കാരണം സംബന്ധിച്ച് കൂടുതൽ വിവരങ്ങൾ പുറത്തുവന്നിട്ടില്ല.
