മരണമടഞ്ഞവർക്കെതിരെ ആരോപണങ്ങൾ ഉന്നയിക്കുന്നത് കത്തോലിക്കാ സഭയുടെ നിയമങ്ങൾക്ക് വിരുദ്ധമാണെന്ന് വത്തിക്കാൻ വ്യക്തമാക്കി. വത്തിക്കാന്റെ നിയമനിർമ്മാണങ്ങൾക്കായുള്ള ഡിക്കാസ്റ്ററി ഫെബ്രുവരി 22-നാണ് മരണപ്പെട്ടയാളുടെ സൽപ്പേര് സംരക്ഷിക്കുന്നതിനെ ശക്തിപ്പെടുത്തുന്ന ഈ രേഖ പുറത്തുവിട്ടത്.
സഭാ നിയമങ്ങളെ സംബന്ധിച്ചുള്ള ഡിക്കാസ്റ്ററിയുടെ പ്രീഫെക്ട് കർദിനാൾ ഫിലിപ്പോ ഇയനോണും അദ്ദേഹത്തിന്റെ സെക്രട്ടറി മോൺസിഞ്ഞോർ ജുവാൻ ഇഗ്നാസിയോ അരിയേറ്റയും ഒപ്പിട്ട രേഖയിൽ മരണപ്പെട്ടവർക്കെതിരെ ആരോപണങ്ങൾ നടത്തുന്നത് അനധികൃതവും അന്യായവും ആണെന്ന് വ്യക്തമാക്കി. എന്നിരുന്നാലും, സമൂഹത്തിന് യഥാർഥ അപകടമുണ്ടാകുന്ന സന്ദർഭങ്ങളിൽ സഭാ നിയമം ഒഴിവാക്കലുകൾ നൽകുന്നു.
