2025 ജൂൺ 24 മുതൽ ജൂലൈ 23 വരെ ഇംഗ്ലണ്ട് പര്യടനം നടത്തുന്ന ഇന്ത്യ അണ്ടർ-19 ടീമിൽ ഇടം നേടി 2025 ലെ ഐപിഎൽ സീസണിലെ സെൻസേഷണൽ താരമായ വൈഭവ് സൂര്യവംശി. 2025 ലെ ഐപിഎൽ സീസണിൽ ജിടിക്കെതിരെ നേടിയ സെഞ്ച്വറിയുൾപ്പെടെ തന്റെ അമ്പരപ്പിക്കുന്ന പ്രകടനത്തിലൂടെ സൂര്യവംശി റെക്കോർഡുകൾ തകർക്കുകയും എല്ലാവരുടെയും ശ്രദ്ധ പിടിച്ചുപറ്റുകയും ചെയ്തു .
സൂര്യവംശിക്കൊപ്പം ചെന്നൈ സൂപ്പർ കിംഗ്സ് താരം ആയുഷ് മാത്രെയും പര്യടനത്തിന്റെ ഭാഗമാകും, അദ്ദേഹം ടീമിനെ നയിക്കും. ഒരു സന്നാഹ മത്സരത്തോടെയാണ് ഇന്ത്യ പര്യടനം ആരംഭിക്കുന്നത്, തുടർന്ന് ഇംഗ്ലണ്ട് അണ്ടർ 19 ടീമിനെതിരെ അഞ്ച് യൂത്ത് ഏകദിന മത്സരങ്ങളും രണ്ട് മൾട്ടി-ഡേ മത്സരങ്ങളും നടക്കും.
