കനത്ത മഴയ്ക്കിടെ ഉത്തർപ്രദേശിലെ മീററ്റിൽ മൂന്ന് നില കെട്ടിടം തകർന്ന് 10 പേർ മരിച്ചതായി പോലീസ് ഞായറാഴ്ച അറിയിച്ചു. ഇതുവരെ അഞ്ച് പേരെയാണ് അവശിഷ്ടങ്ങൾക്കിടയിൽ നിന്ന് അധികൃതർ രക്ഷപ്പെടുത്തിയത്.
മരിച്ച 10 പേരിൽ ഒരു വയസ്സുകാരനുൾപ്പെടെ നാല് കുട്ടികളും ഉണ്ടായിരുന്നു. സക്കീർ കോളനിയിൽ ശനിയാഴ്ചയാണ് സംഭവം.
തുടർച്ചയായ മഴയാണ് തകർച്ചയ്ക്ക് കാരണമായതെന്ന് മീററ്റ് ജില്ലാ മജിസ്‌ട്രേറ്റ് ദീപക് മീണ സ്ഥിരീകരിച്ചു.
