കൊച്ചി: തൃക്കാക്കരയില് ഉമ തോമസ് ലീഡ് ഉയര്ത്തുന്നതിനിടെ ആശുപത്രിയില് നിന്നുള്ള വീഡിയോയുമായി എന്ഡിഎ സ്ഥാനാര്ഥിയായ അഖില് മാരാര്. നിങ്ങള് ആഘോഷിക്ക് ഞങ്ങള് ആശുപത്രിയിലാണ് എന്ന് പറഞ്ഞു കൊണ്ടാണ് അഖില് സോഷ്യല് മീഡിയയില് വീഡിയോ പങ്കുവച്ചിരിക്കുന്നത്.
ഭാര്യ ജയലക്ഷ്മിക്ക് അസുഖം വന്നതോടെയാണ് അഖില് വോട്ടെണ്ണല് ദിവസം ആശുപത്രിയിലായത്. എല്ലാവരും ഇലക്ഷന് ആഘോഷത്തിലായിരിക്കും. റിസല്ട്ട് ഒക്കെ ആഘോഷിക്ക്, ഞങ്ങളും ആഘോഷിച്ചു കൊണ്ടിരിക്കുകയാണ്. കേരളത്തിലെ എല്ലാ ആഘോഷ ടീമുകള്ക്കും ഹാപ്പി ആഘോഷം.
ഞങ്ങള് ആശുപത്രിയില് ആഘോഷിക്കും. അപ്പോള് ആഘോഷിക്ക് എന്നാണ് സോഷ്യല് മീഡിയയില് പങ്കുവച്ച വീഡിയോയില് അഖില് പറയുന്നത്. അതേസമയം, തൃക്കാക്കരയില് യുഡിഎഫ് സ്ഥാനാര്ഥി ഉമ തോമസ് ആണ് ലീഡ് ചെയ്യുന്നത്. 22242 വോട്ടുകള്ക്കാണ് ഉമ തോമസ് ലീഡ് ചെയ്യുന്നത്. അഡ്വ. പുഷ്പ ദാസ് ആണ് എല്ഡിഎഫ് സ്ഥാനാര്ഥി.
