ഭാര്യയുടെ സ്വഭാവത്തിൽ സംശയം തോന്നിയതിനെത്തുടർന്ന് തെലങ്കാനയിൽ യുവാവ് ഭാര്യയെ തീകൊളുത്തി കൊലപ്പെടുത്തി. ഹൈദരാബാദിലെ ദമ്പതികളുടെ വീട്ടിൽ വെച്ച് നടന്ന ഈ ക്രൂരകൃത്യത്തിന് മക്കൾ സാക്ഷികളായി. മൃതദേഹത്തിന് തീപിടിക്കുന്നത് കണ്ട് തടയാൻ ശ്രമിച്ച മകളെയും പ്രതി തീയിലേക്ക് തള്ളിയിട്ടു. സംഭവത്തിൽ ഭർത്താവ് വെങ്കിടേഷിനെ ഹൈദരാബാദ് പോലീസ് അറസ്റ്റ് ചെയ്തു.
പോലീസ് നൽകുന്ന വിവരമനുസരിച്ച്, നൽഗൊണ്ട ജില്ലയിലെ ഹുസൂർബാദ് സ്വദേശിയായ വെങ്കിടേഷ് തന്റെ ഭാര്യ ത്രിവേണിയെ വീട്ടിൽ വെച്ച് ആക്രമിക്കുകയും തുടർന്ന് പെട്രോൾ ഒഴിച്ചു തീകൊളുത്തുകയുമായിരുന്നു. അമ്മ രക്ഷയ്ക്കായി നിലവിളിക്കുന്നത് കേട്ട് ഓടിയെത്തിയ മകൾ തടയാൻ ശ്രമിച്ചപ്പോൾ, അവളെയും വെങ്കിടേഷ് തീയിലേക്ക് തള്ളിയിട്ടു.
