അതിദാരിദ്ര്യ നിർമാർജനം പ്രഖ്യാപിക്കുന്നതിനായി കേരളപിറവി ദിനത്തിൽ ചേരാനിരിക്കുന്ന പ്രത്യേക നിയമസഭാ സമ്മേളനത്തിനെതിരെ കോൺഗ്രസ്. സമ്മേളനം ചട്ടവിരുദ്ധമെന്ന് ആരോപിച്ച് കോൺഗ്രസ് നിയമസഭാ സ്പീക്കർ എ എൻ ഷംസീറിന് കത്ത് നൽകി.
നിയമസഭാനടപടികൾക്കും കാര്യനിർവഹണം സംബന്ധിച്ച ചട്ടങ്ങൾക്കും വിരുദ്ധമാണെന്ന് ചൂണ്ടിക്കാട്ടിയാണ് കോൺഗ്രസിന്റെ പാർലമെന്ററി പാർട്ടി സെക്രട്ടറിയായ എ പി അനിൽ കുമാർ എംഎൽഎ സ്പീക്കർക്ക് കത്ത് നൽകിയത്. ചട്ടപ്രകാരം ശനി, ഞായർ, പൊതു അവധി ദിനങ്ങൾ എന്നിവയിൽ നിയമസഭാസമ്മേളനം നടത്താറില്ലെന്നും അത്തരമൊരു കീഴ്വഴക്കമില്ലെന്നും കോൺഗ്രസ് ആരോപിച്ചു.
