നടിയെ ആക്രമിച്ച കേസില് എട്ടാം പ്രതി ദിലീപിനെ കോടതി വെറുതെ വിട്ടതിന് പിന്നാലെ പ്രതികരണവുമായി കേസിലെ അന്വേഷണ ഉദ്യോഗസ്ഥയായിരുന്ന ബി സന്ധ്യ ഐപിഎസ്.
ഇത് അന്തിമവിധി അല്ല മേൽക്കോടതികൾ ഉണ്ട്, അന്തിമ വിധി വരുന്നത് വരെ അതിജീവിതയ്ക്കൊപ്പം അന്വേഷണ സംഘവും പ്രോസിക്യൂഷനും ഉണ്ടാകുമെന്നും മേല്ക്കോടതികളില് പോയി പോരാടുമെന്നും ബി സന്ധ്യ പറഞ്ഞു. ‘ഈ കേസിലൂടെ കേരളത്തിലെ സിനിമാ മേഖലയില് ഒരുപാട് പോസിറ്റീവായ മാറ്റങ്ങള് വന്നു എന്നാണ് വ്യക്തമാകുന്നത്. അന്തിമ വിധി വരെ അതിജീവിതയ്ക്കൊപ്പം അന്വേഷണസംഘവും പ്രോസിക്യൂഷനും ഉണ്ടാകും. മുന്നോട്ട് പോവുക തന്നെ ചെയ്യും.
ഒരുപാട് വെല്ലുവിളികള് നേരിട്ടിട്ടുണ്ട് വിചാരണാവേളയില്. അതുകൊണ്ടുതന്നെ മേല്ക്കോടതികളില് നീതിക്കായി അന്വേഷണസംഘവും പ്രോസിക്യൂഷനും പോരാടുമെന്ന് കരുതുന്നു… അന്തിമവിധി ആയിട്ടില്ലല്ലോ നമുക്ക് കാത്തിരിക്കാം’: ബി സന്ധ്യ പറഞ്ഞു.
