തേജസ് യുദ്ധ വിമാന ദുരന്തത്തില് കൊല്ലപ്പെട്ട വിംഗ് കമാന്ഡര് നമാംശ് സ്യാലിന്റെ മൃതദേഹം പൂര്ണ്ണ സൈനിക ബഹുമതികളോടെ ജന്മനാടായ ഹിമാചല് പ്രദേശിലെ കാംഗ്ഡയില് സംസ്ക്കരിച്ചതായി റിപ്പോർട്ട്. വ്യോമസേനയില് ഉദ്യോഗസ്ഥയായ ഭാര്യയടക്കം നമാംശ് സ്യാലിന് വൈകാരികമായി യാത്രാ മൊഴി നല്കി.
അതേസമയം വിമാനത്തിന് സാങ്കേതിക തകരാര് സംഭവിച്ചോയെന്നത് മുതല് പൈലറ്റിന്റെ ആരോഗ്യം വരെയുള്ള ഘടകങ്ങളിൽ വ്യോമസേനയുടെ അന്വേഷണം പുരോഗമിക്കുകയാണ്. ജന്മനാടായ കാംഗ്ഡയിലെ പട്യാല്കാഡ് ഗ്രാമത്തിലെ ശ്മശാനത്തില് പൂര്ണ്ണ സൈനിക ബഹുമതികളോടെയാണ് മൃതദേഹം സംസ്ക്കരിച്ചത്.
