ഇസ്രയേൽ ഉപരോധം മൂലം കുട്ടികൾ ദുരിതമനുഭവിക്കുന്ന ഗാസ സന്ദർശിക്കാൻ മാർപാപ്പയോട് അഭ്യർത്ഥിച്ച് പോപ് ഗായിക മഡോണ. മകൻ റോക്കോയുടെ 25-ാം പിറന്നാൾ ദിനത്തിൽ സാമൂഹ്യ മാധ്യമങ്ങളിൽ പങ്കുവെച്ച പോസ്റ്റിലാണ് മഡോണയുടെ വൈകാരികമായ പ്രതികരണം.
മഡോണയുടെ വൈകാരികമായ അഭ്യർത്ഥന
‘പരിശുദ്ധ പിതാവേ, വല്ലാതെ വൈകും മുൻപ് അങ്ങ് ഗാസയിലേക്ക് പോകണം, അങ്ങയുടെ വെളിച്ചം അവിടുത്തെ കുട്ടികൾക്ക് പകരണം. ഒരു അമ്മയെന്ന നിലയിൽ, എനിക്ക് അവരുടെ ദുരിതം കണ്ടുനിൽക്കാനാവുന്നില്ല’ – മഡോണ പോസ്റ്റിൽ കുറിച്ചു.
കുട്ടികൾ ഈ ലോകത്തിൻ്റെ മുഴുവൻ സ്വത്താണ്. നിരപരാധികളായ അവരെ രക്ഷിക്കാൻ, മാനുഷിക സഹായങ്ങൾ തടസ്സമില്ലാതെ ഗാസയിലേക്ക് എത്തേണ്ടതുണ്ട്. ഗാസയിലെ മാർപാപ്പയുടെ സന്ദർശനം ആർക്കും തടയാനാവില്ലെന്നും അവർ കൂട്ടിച്ചേർത്തു. രാഷ്ട്രീയം കൊണ്ട് മാത്രം ഗാസയിലെ പ്രതിസന്ധി പരിഹരിക്കാനാകില്ല, അതിനാൽ ഒരു ആധ്യാത്മിക നേതാവിൻ്റെ സഹായം തേടുന്നുവെന്നും മഡോണ വ്യക്തമാക്കി.
