തിരുവനന്തപുരം പെരിങ്ങമല ലേബർ കോൺട്രാക്‌ട് സഹകരണ സംഘത്തിലെ ക്രമക്കേടിൽ ഭരണസമിതിയിൽനിന്ന് 4.16 കോടി രൂപ തിരിച്ചുപിടിക്കണമെന്ന് സഹകരണ വകുപ്പിൻ്റെ റിപ്പോർട്ട്. ബിജെപി നിയന്ത്രണത്തിലുണ്ടായിരുന്ന സംഘം പ്രവർത്തനം അവസാനിച്ചപ്പോൾ 4.16 കോടിയായിരുന്നു ബാധ്യത. പ്രസിഡന്റും ആർഎസ്എസ് നേതാവുമായ ജി. പത്മകുമാർ 46 ലക്ഷം രൂപയാണ് തിരിച്ചടയ്ക്കേണ്ടത്
ഭരണസമിതിയിലെ പതിനാറിൽ ഏഴുപേർ 46 ലക്ഷം വീതവും 9 പേർ 19 ലക്ഷവും വീതം തിരിച്ചടയ്ക്കണം. നോട്ടിസ് കൈപ്പറ്റി ഒരു മാസത്തിനകം തിരിച്ചടയ്ക്കണമെന്നും ഇല്ലെങ്കിൽ ജപ്തി നടപടികളിലേക്ക് കടക്കുമെന്നുമാണ് ഉത്തരവ്.
