ഇന്ത്യയുമായുള്ള സംഘർഷം രൂക്ഷമാക്കിക്കൊണ്ട് ബാലിസ്റ്റിക് മിസൈൽ പരീക്ഷിച്ചതായി പാകിസ്ഥാൻ. 450 കിലോമീറ്റർ ദൂരപരിധിയുള്ള ഉപരിതലത്തിൽ നിന്ന് ഉപരിതലത്തിലേക്ക് വിക്ഷേപിക്കാവുന്ന ബാലിസ്റ്റിക് മിസൈൽ ശനിയാഴ്ച വിജയകരമായി പരീക്ഷിച്ചതായി പാകിസ്ഥാൻ അവകാശപ്പെട്ടു.
അബ്ദാലി വെപ്പൺ സിസ്റ്റം എന്നറിയപ്പെടുന്ന ഈ മിസൈൽ, ‘എക്സർസൈസ് ഇൻഡസ്’ എന്ന സൈനിക പരിശീലനത്തിന്റെ ഭാഗമായാണ് പരീക്ഷിച്ചതെന്ന് പാകിസ്ഥാൻ മാധ്യമ റിപ്പോർട്ടുകൾ പറയുന്നു.
സോൺമിയാനി റേഞ്ചസിൽ നടത്തിയ പരീക്ഷണം, പാകിസ്ഥാന്റെ ആണവ ശേഷിയുള്ള മിസൈലുകൾ കൈകാര്യം ചെയ്യുന്ന ആർമി സ്ട്രാറ്റജിക് ഫോഴ്സ് കമാൻഡിന് (ASFC) കീഴിൽ നടത്തിയ ഒരു ഓപ്പറേഷണൽ യൂസർ ട്രയലിന്റെ ഭാഗമാകാൻ സാധ്യതയുണ്ട്.
