സമരം അവസാനിപ്പിക്കുന്നത് വഞ്ചനയാണെന്ന് പറഞ്ഞ് മുദ്രാവാക്യം വിളിച്ചുകൊണ്ട് ആണ് പുതിയ സമരപ്പന്തലില്‍ സമരം ആരംഭിച്ചിരിക്കുന്നത്.
414 ദിവസമായി സമരം നടക്കുന്ന വേദിയില്‍ നിന്ന് ബിജെപി അനുകൂലികളായ നാട്ടുകാർ പുതിയ സമരത്തിലേക്ക് ഇറങ്ങുകയാണ് ഉണ്ടായത്. ഭൂമി പ്രശ്നത്തിന് ശാശ്വത പരിഹാരം ഉണ്ടാകും വരെ സമരമെന്നാണ് അവരുടെ പ്രഖ്യാപനം. പള്ളിക്ക് പുറത്ത് ഒരുക്കിയ വേദിയില്‍ നിലവില്‍ സമരം തുടങ്ങിയിട്ടുണ്ട്.
ഒരു വിഭാഗം അല്‍പസമയത്തിനകം സമരം അവസാനിപ്പിക്കാനിരിക്കെയാണ് നാടകീയ രംഗങ്ങള്‍. സർക്കാർ നല്‍കിയ ഉറപ്പുകളില്‍ വിശ്വാസമുണ്ടെന്ന് പറഞ്ഞുകൊണ്ടാണ് സമരസമിതി സമരം അവസാനിപ്പിക്കുന്നത്. റവന്യൂ മന്ത്രി കെ രാജന്‍, നിയമമന്ത്രി പി രാജീവ് എന്നിവര്‍ സമാപനയോഗത്തില്‍ പങ്കെടുക്കാനിരിക്കെയാണ് വിമത പക്ഷം മുദ്രാവാക്യം വിളികളുമായി സമരപ്പന്തല്‍ വിട്ടിറങ്ങിയത്
