ഇടുക്കി മറയൂർ ചിന്നാർ വന്യജീവി സങ്കേതത്തിൽ കാട്ടാന ആക്രമണത്തില് ഒരാള് മരിച്ചു. മറയൂര് ചമ്പക്കാട് കുടി സ്വദേശി വിമല്(57) ആണ് മരിച്ചത്. രാവിലെ 8.40-ഓടെ ചിന്നാര് വന്യജീവി സങ്കേതത്തിന് അകത്താണ് സംഭവം.
കള്ളിക്കാട് ഭാഗത്ത് ഫയര് ലൈന് തെളിക്കന് പോയ ആദിവാസി വിഭാഗത്തില്പ്പെട്ട വിമലിനെ കാട്ടാന ആക്രമിച്ച് കൊലപ്പെടുത്തുകയായിരുന്നു. രണ്ട് സ്ത്രീകളും സംഘത്തിലുണ്ടായിരുന്നു. വിമലിനെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
വനം വകുപ്പിന്റെ പാമ്പാര് ലോഗ് ഹൗസിലേക്കുള്ള വഴി വെട്ടിത്തെളിക്കുന്നതിനായി എത്തിയതായിരുന്നു ബിമലടങ്ങുന്ന ഒമ്പതുപേരടങ്ങുന്ന സംഘം. സംഘം നടന്നുപോകുന്നതിനിടെയാണ് ആനയുടെ ആക്രമണമുണ്ടാകുന്നത്.
