90കളിലെ ബോളിവുഡ് സൂപ്പര്സ്റ്റാര് മംമ്ത കുല്ക്കര്ണി സന്യാസം സ്വീകരിച്ചു. പ്രയാഗ്രാജിലെ കുംഭമേളയില് വച്ച് കിന്നര് അഖാരയില് നിന്നും ആശീര്വാദം സ്വീകരിച്ച മംമ്ത ഇനി മായി മംമ്താ നന്ദ് ഗിരി എന്ന പേരില് അറിയപ്പെടും.
‘ആശിഖ് അവാറ’, ‘ക്രാന്തിവീര്’, ‘കരണ് അര്ജുന്’ തുടങ്ങിയ സൂപ്പര്ഹിറ്റ് ചിത്രങ്ങളിലൂടെ പ്രേക്ഷകരുടെ പ്രിയങ്കരിയായി മാറിയ മംമ്തയുടെ ഈ തീരുമാനം എല്ലാവരെയും അമ്പരിപ്പിച്ചിരിക്കുകയാണ്. ഗ്ലാമര് ലോകത്തെ പിന്നിലാക്കി ആത്മീയതയിലേക്ക് തിരിഞ്ഞ മംമ്തയുടെ ഈ തീരുമാനത്തിന് പിന്നില് മഹാദേവ് മഹാകാളിയുടെയും ഗുരുവിന്റെയും കല്പ്പനയാണെന്നാണ് നടി പറയുന്നത്.
കിന്നര് അഖാര എന്നത് ഹിന്ദു സന്യാസിമാരുടെ ഒരു പാരമ്പര്യ സംഘടനയാണ്. ഈ അഖാരയില് പരമ്പരാഗത വേഷം അണിഞ്ഞവര് അംഗങ്ങളാണ്. സിനിമയിലെ തിളക്കമാര്ന്ന ജീവിതം ഉപേക്ഷിച്ച് സന്യാസിനി ആകാന് തീരുമാനിച്ച മംമ്തയുടെ ഈ പുതിയ അധ്യായത്തിനാണ് കുംഭമേള സാക്ഷ്യം വഹിച്ചിരിക്കുന്നത്.
