ഉത്തർപ്രദേശിലെ പ്രയാഗ്രാജിൽ ഇന്ന് മഹാകുംഭമേളയ്ക്ക് തുടക്കം. ഇന്ത്യൻ സംസ്കാരത്തിൻ്റെയും ആത്മീയതയുടെയും വിശ്വാസത്തിൻ്റെയും പ്രതീകമായ ഈ മേള 12 വർഷം കൂടുമ്പോഴാണ് സംഘടിപ്പിക്കുന്നത്. ഇന്ത്യയുടെ പുരാണ പാരമ്പര്യങ്ങളുടെയും ആത്മീയ പൈതൃകത്തിൻ്റെയും ആഘോഷമാണിത്.
മഹാ കുംഭ പരിപാടി 2025 ജനുവരി 13 മുതൽ ആരംഭിച്ച് ഫെബ്രുവരി 26 വരെ തുടരും. 12 വർഷത്തിലൊരിക്കൽ, ഗംഗയും യമുനയും അദൃശ്യ സരസ്വതിയും സംഗമിക്കുന്ന പ്രയാഗ്രാജിൽ മഹാകുംഭമേള സംഘടിപ്പിക്കാറുണ്ട്.
4,000 ഹെക്ടർ വിസ്തൃതിയിൽ സംഘടിപ്പിക്കുന്ന മഹാകുംഭമേള ലോകത്തിലെ ഏറ്റവും വലിയ മനുഷ്യസംഗമമായിരിക്കും. കോടിക്കണക്കിന് ഭക്തർക്കൊപ്പം ലക്ഷക്കണക്കിന് ഋഷിമാരും സന്യാസിമാരും എത്തുന്നു, അതിനായി പ്രത്യേക തയ്യാറെടുപ്പുകൾ നടത്തുന്നു. ഇത്തവണ 40 കോടിയിലധികം ഭക്തർ മഹാകുംഭത്തിന് എത്തുമെന്നാണ് പ്രതീക്ഷിക്കുന്നത്.
