എറണാകുളത്ത് സെൻ്റ് തെരേസാസ് കോളേജ് ഒട്ടേറെ പ്രതിഭകളെ സംഭാവന ചെയ്ത കലാലയമാണ്. എന്നാൽ വിദ്യാർത്ഥികൾ മാത്രമല്ല, അവിടുത്ത അദ്ധ്യാപകരും പവർപാക്കാണെന്ന് തെളിയിക്കുന്ന ഒരു വീഡിയോ സോഷ്യൽ മീഡിയയുടെ ആകെ കൈയ്യടി നേടുകയാണ്.
ക്യാമ്പസിലെ അസിസ്റ്റൻ്റ് പ്രൊഫസർമാർ കോളേജ് പരിപാടിക്കിടെ വേദിയിൽ കാഴ്ച്ചവച്ച മികച്ച പെർഫോമൻസാണ് വൈറലായത്. വിദ്യാർത്ഥികളിലാരോ റെക്കോർഡുചെയ്ത ഈ വീഡിയോ, ഇൻസ്റ്റാഗ്രാമിൽ 10 ദശലക്ഷത്തോളം ആളുകളാണ് ഇതിനകം തന്നെ കണ്ടത്. അതേസമയം റാപ്പർ ബാദ്ഷായും ഇതിനോട് പ്രതികരിച്ചു.
കോളേജ് പരിപാടിക്കിടെ സാരി ധരിച്ച് എത്തിയ ഒരു കൂട്ടം അദ്ധ്യാപകരാണ് നവിദ്യാർത്ഥികളെപ്പോലും ആവേശതക്തിലാഴ്ത്തിയത്. ‘കാലാ ചഷ്മ’ ഗാനം പ്ലേ ചെയ്തത് മാത്രമേ എല്ലാവർക്കും ഓർമ്മ.യുള്ളൂ. പിന്നീട് വേദിയാകെ ഇളക്കിമറിക്കുന്ന പ്രകടനമാണ് അരങ്ങേറിയത്. സാരിയുടുത്ത് പൊതുവെ പമ്മിയും പതുങ്ങിയും നിൽക്കുന്ന അദ്ധ്യാപകരല്ല തങ്ങളെന്ന് കാട്ടിത്തരികയാണ് ഈ പ്രതിഭകൾ. താളത്തിനൊത്ത്, മറ്റ് അദ്ധ്യാപകരും അത് പിന്തുടർന്നപ്പോൾ പൂർണ്ണ ആവേശത്തിലെത്തി ക്യാമ്പസ്.
