കൊച്ചി: ലുലു ഗ്രൂപ്പിൻ്റെ കേരളത്തിലെ മാളുകളിൽ ജോലി നേടാൻ വീണ്ടും അവസരം. ലുലു ഹൈപ്പർമാർക്കറ്റുകളിലെ വിവിധ തസ്തികകളിലേക്ക് വാക്ക് ഇൻ ഇൻ്റർവ്യൂ സംഘടിപ്പിക്കുന്നു. ലുലു പുതുതായി ആരംഭിക്കുന്ന തിരൂർ, പെരിന്തൽമണ്ണ, കൊട്ടിയം, തൃശൂർ ഹൈപ്പർമാർക്കറ്റുകളിലേക്കും നിലവിലെ മാളുകളിലെ ഒഴിവുള്ള തസ്തികകളിലേക്കുമാണ് ഇന്റർവ്യൂ നടക്കുന്നത്.
കൊച്ചി ഇടപ്പള്ളിയിലെ മാരിയറ്റ് സോളിറ്റയറിൽ ഡിസംബർ നാലിനാണ് (ബുധനാഴ്ച) വാക്ക് ഇൻ ഇൻ്റർവ്യൂ. സൂപ്പർവൈസർ മുതൽ കാഷ്യർ വരെ വിവിധ തസ്തികളിലേക്കാണ് വാക്ക് ഇൻ ഇൻ്റർവ്യൂ സംഘടിപ്പിക്കുന്നത്. ജോലിയിൽ മുൻപരിചയമില്ലാത്തവർക്കും വാക്ക് ഇൻ ഇൻ്റർവ്യൂയിൽ പങ്കെടുക്കാം.
രാവിലെ 10 മണിക്ക് ആരംഭിക്കും
ഇടപ്പള്ളിയിലെ മാരിയറ്റ് സോളിറ്റയറിൽ ഡിസംബർ നാലിന് രാവിലെ 10 മണിക്ക് വാക്ക് ഇൻ ഇൻ്റർവ്യൂ ആരംഭിക്കും. വൈകുന്നേരം മൂന്നു മണിവരെയാണ് ഇൻ്റർവ്യൂ. പ്ലസ് ടു മുതൽ യോഗ്യതയുള്ളവർക്ക് ഇന്റർവ്യൂവിൽ പങ്കെടുക്കാം. ഇന്റർവ്യൂവിന് എത്തുമ്പോൾ അപ്ഡേറ്റ് ചെയ്ത റെസ്യൂമെ ഹാജരാക്കണം.
നാല് തസ്തികകളിൽ അവസരം
- സൂപ്പർവൈസർ
- സെയിൽസ്മാൻ/സെയിൽസ്വുമൻ
- കാഷ്യർ
- കോമി/ഷെഫ് ദേ പാർട്ടി/ഡിസിഡിപി/ സൂ ഷെഫ്
- ബച്ചർ/ഫിഷ് മങ്കർ
സൂപ്പർവൈസർ
21നും 35നും ഇടയിൽ പ്രായമുള്ളവർക്ക് സൂപ്പർവൈസർ തസ്തികയിലേക്ക് നടക്കുന്ന ഇൻ്റർവ്യൂവിൽ പങ്കെടുക്കാം. ബിരുദ വിദ്യാഭ്യാസം നിർബന്ധമാണ്. മുൻപരിചയമല്ലാത്തവർക്കും പങ്കെടുക്കാം.
