സംസ്ഥാനത്ത് സ്വർണവില(gold rate) ഇന്ന് അനക്കമില്ലാതെ തുടരുന്നു. ഒരിടവേളയ്ക്ക് ശേഷം ഇന്നലെ സ്വർണവിലയിൽ 320 രൂപയുടെ വർദ്ധനവ് രേഖപ്പെടുത്തിയിരുന്നു. ഇതിന് പിന്നാലെ 57,000ത്തിൽ തിരിച്ചെത്തി സ്വർണവില. ഇന്ന് നിരക്കുകൾ മാറ്റമില്ലാതെ തുടരുന്നതിനാൽ പവന് 57,040 രൂപയിലാണ് വ്യാപാരം നടക്കുക. ഗ്രാമിന് 40 രൂപയാണ് ഇന്നലെ കൂടിയിരുന്നത്. ഇന്നും ഒരു ഗ്രാം സ്വർണത്തിന് 7130 രൂപയാണ് നൽകേണ്ടത്.
വെള്ളി വില ഇന്ന് ഗ്രാമിന് 99.40 രൂപയും കിലോഗ്രാമിന് 99,400 രൂപയുമാണ്. അന്താരാഷ്ട്ര വിപണിയിൽ വെള്ളി വില എങ്ങനെ കുറഞ്ഞു എന്നതിന് അനുസൃതമായാണ് കേരളത്തിലെ വെള്ളി വിലയും നീങ്ങുന്നത്. അടുത്ത ഏതാനും വർഷങ്ങളിൽ വെള്ളി വിലയിൽ വലിയ ചലനങ്ങൾ ഉണ്ടാകാന സാധ്യതയില്ല. സംസ്ഥാനത്തെ ഗ്രാമങ്ങളിലും നഗരങ്ങളിലും വെള്ളിക്ക് നല്ല ഡിമാൻഡാണ്.
നവംബർ മാസത്തിൽ 14,16,17 തീയതികളിൽ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വർണം. ഒരു ഗ്രാം സ്വർണാഭരണം ലഭിക്കാൻ 6935 രൂപ നൽകിയാൽ മതിയായിരുന്നു. നവംബർ 1ന് പവന് വില 59,080 രൂപയിലെത്തിയതാണ് സമീപ കാലത്തെ ഏറ്റവും ഉയർന്ന നിരക്ക്.
