കണ്ണൂര് വളപട്ടണം മന്നയിലെ അരി മൊത്തവ്യാപാരിയുടെ വീട്ടിലെ കവർച്ചയിൽ എല്ലാവരെയും ഞെട്ടിപ്പിച്ച അറസ്റ്റാണ് ഇന്നുണ്ടായത്. പ്രതിയായ അയൽവാസിയിലേക്ക് പോലീസ് കൃത്യമായി എത്തിച്ചേർന്നത് നിർണ്ണായമായ സിസിടിവി ദൃശ്യങ്ങളിലൂടെയാണ്.
മോഷ്ടിച്ച ഒരുകോടി രൂപയും 300 പവനും പ്രതി ലിജീഷ് ഒളിപ്പിച്ചത് കട്ടിലിനുള്ളിലുണ്ടാക്കിയ പ്രത്യേക അറയില് നിന്നും കണ്ടെടുത്തു. പിടിയിലായ ലിജീഷ് മുമ്പ് ഒട്ടേറെ മോഷണക്കേസുകളില് പ്രതിയാണെന്നും പോലീസ് അന്വേഷണത്തില് വ്യക്തമായി. കസ്റ്റഡിയില് എടുത്ത് ചോദ്യം ചെയ്യുമ്പോള് പ്രതിയുടെ വിരലടയാളം പരിശോധിച്ചിരുന്നു. ഇതില്നിന്ന് കണ്ണൂര് കീച്ചേരില് ഒന്നരവര്ഷം മുമ്പ് മോഷണം നടന്ന വീട്ടില്നിന്ന് ലഭിച്ച വിരലടയാളവുമായി സാമ്യമുണ്ടെന്ന് വ്യക്തമായി.
സി.സി.ടി.വി. ദൃശ്യം കേന്ദ്രീകരിച്ചായിരുന്നു പോലീസിന്റെ അന്വേഷണം. ലഭിച്ച ദൃശ്യങ്ങളില് വ്യക്തതയുണ്ടായിരുന്നില്ല. ധരിച്ച ഷര്ട്ടിന്റെ നിറത്തിന്റെ അടിസ്ഥാനത്തില് നടത്തിയ അന്വേഷണത്തിലാണ് പ്രതി വലയിലാവുന്നത്.
