രാജ്യമെമ്പാടുമുള്ള ജനങ്ങളോട് പരിഭ്രാന്തരായി ഇന്ധനം വാങ്ങുന്നത് ഒഴിവാക്കാൻ ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ) ആവശ്യപ്പെട്ടു. എല്ലാ ഔട്ട്ലെറ്റുകളിലും ആവശ്യത്തിന് പെട്രോൾ, ഡീസൽ, എൽപിജി എന്നിവ ലഭ്യമാണെന്നും വിതരണ പ്രവർത്തനങ്ങൾ ഒരു പ്രശ്നവുമില്ലാതെ നടക്കുന്നുണ്ടെന്നും കമ്പനി കൂട്ടിച്ചേർത്തു.
“രാജ്യത്തുടനീളം ഇന്ത്യൻ ഓയിലിന് ധാരാളം ഇന്ധന സ്റ്റോക്കുണ്ട്, ഞങ്ങളുടെ വിതരണ ലൈനുകൾ സുഗമമായി പ്രവർത്തിക്കുന്നു. പരിഭ്രാന്തിയോടെ ഇന്ധന വാങ്ങേണ്ട ആവശ്യമില്ല – ഞങ്ങളുടെ എല്ലാ ഔട്ട്ലെറ്റുകളിലും ഇന്ധനവും എൽപിജിയും ലഭ്യമാണ്” എന്ന് ഐഒസിഎൽ വെള്ളിയാഴ്ച സോഷ്യൽ മീഡിയ പ്ലാറ്റ്ഫോമായ എക്സിൽ ഒരു സന്ദേശം പോസ്റ്റ് ചെയ്തു.
പെട്രോൾ പമ്പുകളിൽ അനാവശ്യമായ തിരക്ക് ഒഴിവാക്കാനും ശാന്തത പാലിക്കാനും കമ്പനി പൊതുജനങ്ങളോട് അഭ്യർത്ഥിച്ചു.
