ബിഹാർ നിയമസഭാ തിരഞ്ഞെടുപ്പ് പ്രചാരണത്തിൽ പുഞ്ചിരി വിടർത്തി കോൺഗ്രസ് നേതാവ് രാഹുൽ ഗാന്ധിയും ഒരു കൊച്ചുകുട്ടിയും തമ്മിലുള്ള സംഭാഷണം. വ്യാഴാഴ്ച അരാരിയയിൽ നടന്ന ഒരു ജനസമ്പർക്ക പരിപാടിയിൽ രാഹുൽ ഗാന്ധി സംസാരിക്കുന്നതിന്റെ ഈ വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്. വിവാഹത്തെ കുറിച്ചാണ് രാഹുൽ ഗാന്ധി സംസാരിക്കുന്നത്.
അർഷ് നവാസ് എന്ന കുട്ടി രാഹുൽ ഗാന്ധിയോട് “നിങ്ങൾ എപ്പോഴാണ് വിവാഹം കഴിക്കുക?” എന്ന് ചോദിക്കുകയായിരുന്നു. ഇതിന് രാഹുൽ പുഞ്ചിരിച്ചുകൊണ്ട് മറുപടി നൽകുകയും ചെയ്തു. “എന്റെ ജോലി കഴിയുമ്പോൾ ഞാൻ വിവാഹം കഴിക്കും’ എന്നായിരുന്നു രാഹുലിന്റെ മറുപടി. നർമ്മം നിറഞ്ഞ ഈ സംഭാഷണം ഇപ്പോൾ തിരഞ്ഞെടുപ്പ് ചർച്ചയിലെ ഏറ്റവും പുതിയ വൈറലായ നിമിഷമായി മാറിയിരിക്കുകയാണ്.
