തമിഴ്നാട്ടിലെ വിരുദുനഗർ ജില്ലയിലെ ശിവകാശിക്കടുത്തുള്ള ചിന്ന കാമൻപട്ടി ഗ്രാമപ്രദേശത്തുള്ള ഒരു പടക്ക ഫാക്ടറിയിൽ ചൊവ്വാഴ്ച പുലർച്ചെയുണ്ടായ സ്ഫോടനത്തിൽ നാല് പേർ മരിച്ചു. അപകടത്തിൽ നിരവധി പേർക്ക് പരിക്കേൽക്കുകയും ചെയ്തതിട്ടുണ്ട്.
സ്ഫോടനത്തെ തുടർന്ന് വൻ തീപിടുത്തമുണ്ടായതായും ഫാക്ടറിയിൽ നിന്ന് കട്ടിയുള്ള പുക ഉയരുന്നതായും അകത്തു നിന്ന് തുടർച്ചയായി പടക്കങ്ങൾ പൊട്ടുന്ന ശബ്ദങ്ങൾ കേട്ടതായും വൃത്തങ്ങൾ അറിയിച്ചു. സ്ഫോടനത്തിന്റെ കൃത്യമായ കാരണം ഇതുവരെ വ്യക്തമല്ല.
പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു, അഗ്നിശമന സേനയും അടിയന്തര സേവനങ്ങളും സ്ഥലത്തെത്തി രക്ഷാപ്രവർത്തനം നടത്തി.
