തിരുവനന്തപുരം: ഇന്ന് എട്ട് ജില്ലകളിൽ മഞ്ഞ അലേർട്ട് പുറപ്പെടുവിച്ച് കേന്ദ്ര കാലാവസ്ഥാ വകുപ്പ്. നാളെയുംക്തമായി നിലനിൽക്കും. എട്ട് ജില്ലകളിൽ യെല്ലോ അലേർട്ട് ഉണ്ട്. ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് എന്നീ ജില്ലകളിലാണ് ഇന്ന് യെല്ലോ അലേർട്ടുള്ളത്. നാളെ ആലപ്പുഴ, കോട്ടയം, എറണാകുളം, തൃശ്ശൂർ, മലപ്പുറം, കോഴിക്കോട്, കണ്ണൂർ, കാസറഗോഡ് ജില്ലകളിൽ മഞ്ഞ അലേർട്ടായിരിക്കും.
ബംഗാൾ ഉൾക്കടലിൽ മധ്യ പടിഞ്ഞാറ് ഭാഗത്ത് രൂപപ്പെട്ട തീവ്ര ന്യൂനമർദം (Depression) ഇന്ന് അർധരാത്രിയോടെ ആന്ധ്രയിലെ കലിംഗപട്ടണത്ത് കരകയറി. ഇന്ന് ഈ ന്യൂനമർദം ശക്തി കുറയുമെങ്കിലും മഴ തുടരും.
അതെസമയം ആന്ധ്രാ പ്രദേശിലേക്ക് കയറിയ ശക്തി കുറഞ്ഞ ന്യൂനമർദ്ദം ഇനി മധ്യ ഇന്ത്യയിലേക്ക് കടക്കാൻ സാധ്യത. ആന്ധ്രപ്രദേശിൽ നിന്ന് ഛത്തീസ്ഗഡിലേക്കാണ് ന്യൂനമർദ്ദം പ്രവേശിക്കുക. പിന്നീട് ഇന്ത്യയുടെ മധ്യഭാഗത്തേക്ക് നീങ്ങും. അതിനാൽ മധ്യ ഇന്ത്യയിലെ തെക്കൻ സംസ്ഥാനങ്ങളിലും ന്യൂനമർദ്ദത്തിൻ്റെ ഭാഗമായുള്ള മഴ ലഭിക്കും. കേരളത്തിലും ന്യൂനമർദ്ദത്തിന്റെ സ്വാധീനം നിലവിലുണ്ട്. അറബിക്കടലിൽ രൂപപ്പെട്ട അസ്ന ചുഴലിക്കാറ്റ് കരയിലേക്ക് പ്രവേശിച്ചില്ലെങ്കിലും ശക്തി കുറഞ്ഞ ന്യൂനമർദ്ദമായി നിലനിൽക്കുന്നുണ്ട്. മൺസൂണിൽ അപൂർവ്വമായാണ് അറബിക്കടലിൽ ഇത്തരം ന്യൂനമർദ്ദങ്ങൾ ഉണ്ടാകാറ്. വടക്കൻ അറബി കടലിൽ രൂപപ്പെട്ട അസ്ന ചുഴലിക്കാറ്റ് ഇപ്പോൾ ഇന്ത്യയിൽ നിന്ന് അകന്ന് ഒമാനിൽ നിന്ന് 500 കിലോമീറ്റർ അകലെ എത്തിയിരിക്കുകയാണ്. അടുത്ത മൂന്ന് ദിവസം കൂടി മഴ ഇതേ അളവിൽ തുടരാൻ ഈ ന്യൂന മർദ്ദ സാന്നിധ്യം കാരണമായേക്കും.
